تۆرکیأنینگ ترورچیلیق بیلن ساواشی
تۆرکیأنینگ گۆن ترتیبی ۶
یازانی: جان آجون
تۆرکیه ۳۰ ییلدان قۇوراق واغت بأری ترورچیلیغا قارشی اگیلشیکسیز گؤرهشیأر. شۇل مؤهلِتده ترور قوراماسی پ. ک. ک نینگ ترور هۆجۆملری سبأپلی مۆنگلرچه آدام اؤلدی، مادّی و روحی تایدان اولی ییتگی چکیلدی. اِمما سۇنگقی ییللاردا تۆرکیأنینگ پ. ک. ک بیلن دۇوام ادیأن گؤرهشینه قۇشماچا عیراق دا و سوریه ده دۇوام ادیأن قارماقاریشیقلیقدان پیدالانیپ داعش ینگ یۆزۆنه چیقماغی و تۆرکیهده ده هۆجۆملر قوراماغا باشلاماغی باشغا بیر قارشیلیق حؤکمۆنده یۆزه چیقدی.
بو شرطلر تۆرکیأنینگ پ. ک. ک بیلن بیله لیکده داعشه قارشی هم دۆیپلی گؤره شه باشلاماغینا سبأپ بۇلان بۇلسا، تۆرک حۇوپسوزلیق گۆیچلری تۆرکیأنینگ أهلی کۆنجِکلرینده داعش و پ. ک. ک قارشی اۆستۆنلیکلی حرکتلری عامالا آشیریپ، ترور حۇوپینی آزالتماغینگ عهده سیندن گلدی. سوریه ده دۇوام ادیأن اتوریتر بۇشلوق و اورش سبأپلی اؤزلرینه لجستیک بازا و حۇوپسوز زۇلاق دؤره دن ترور قورامالاری داعش و پ. ک. ک دان آبانیان حۇوپلار اۆچین تۆرکیه سرحِت آشا حاربی حرکتلر قوراماغا مجبور بۇلدی. فیرات قالقانی حرکتی بیلن سرحت یاقاسینی داعش ینگ ترورچیلیغیندان صاپلان تۆرکیه، زیتین شاحاسی حرکتی بیلن بۇلسا پ. ک. ک نینگ سوریه دأکی بؤله گی ی. پ. گ قارشی آیغیتلی أدیم أتدی.
عفرین شأهِرینه ییللاردان بأری گؤزهگچیلیک ادیأن ترور قوراماسی ی. پ. گ تۆرکیأنینگ میللی حۇوپسوزلیغی تایدان اولی حۇوپ دؤرهدیأر. آمانوس داغلاری نینگ اۆستآشیر تۆرمیأ یاراغلارینگ و ترورچیلارینگ گچیش اوغری بۇلان عفرین اترابینداقی ی. پ. گ ترورچیلاری تۆرکیه اۆچین میللی حۇوپ عمله گتیریأردی. شیله لیکده سوریه دن تۆرکیأ گچیأن کؤپ سانلی یاراغ اولغامی ترورا قارشی گچیریلیأن حرکتلرده حۇوپسوزلیق گۆیچلری تاراپیندان اله سالینیپدی. ی. پ. گ نینگ عفرین ده اۇرناشماغی شۇل بیر واغتدا پ. ک. ک تاراپدار ییغناماق اۆچین آماتلی شرط دؤرهتدی. شیله ده عفرین دأکی ی. پ. گ ترورچیلاری حالقارا پروپاگاندا آلین باریپ، هم تۆرکیأنینگ ایچینده هم ده داشیندا کأبیر تاراپلاری تۆرکیأ قارشی کۆشگۆردیپ ترور قوراماسی پ. ک. ک اۆچین پروپاگاندا قۇلداوینی بریأردی. ی. پ. گ نینگ اساسا ندا کلیس و ریحانلی شأهِرلرینه قوران هۆجۆملرینده آسودا ایلاتدان کؤپ سانلی آدام جان بریپدی. زیتین شاحاسی حرکتی نینگ اۆستۆنلیک بیلن تاماملانماغی تۆرکیه اۆچین بؤلگه ده حۇوپسوزلیغی برکیتمهک بۇلسا، عفرین دأکی ی. پ. گ تروری نینگ یۇق ادیلمه گی شۇل بیر واغتدا پ. ک. ک نینگ تۆرکیأنینگ گۆن اۇرتا سرحدینده عیراق دان اۇرتایر دنگیزینه چنلی اوزاپ گیدیأن ترور کریدورینی آچما حیبالینی پوجا چیقارار.
پ. ک. ک نینگ سوریه دأکی بؤله گی بۇلان ی. پ. گ نینگ سوریه ددکی حأکیمیتی دینگه بیر تۆرکیأنینگ میللی حۇوپسوزلیغینا دأل، شۇل بیر واغتدا دا سوریأنینگ تۇپراق بیتولیگینه مسئله دؤره دیأر. شیله لیکده ی. پ. گ نینگ تابین بۇلان ک. ج. ک آدلی قوراماسی نینگ عفرین ده ی. پ. گ دن آلینان یرلردأکی حأکیملیک ایغلان ادیلن یرلرده شۇل کارتادان (نقشه دن) گؤرۆلیأر. ی. پ. گ اؤز حأکیمیتی آستینداقی یرلرده دمیرقازیق سوریه فدرال بؤلگه سینی ایغلان ادیپ بی قانون سایلاولار گچیردی.
بیله کی تاراپدان زیتین شاحاسی حرکتی عفرینی ترور قوراماسی ی. پ. گ دن صاپلاپ، یرلی حالقی ترور ظلمیندان حالاص اتمهگی ناظاردا توتیار، مألیم بۇلشی یالی یالی عفرین دأکی ایلاتینگ اساسی بؤله گی سوریه لی کۆرتلردن عیبارات. کؤپ سانلی کۆرت ی. پ. گ نینگ ظلمیندان قاچیپ تۆرکیأ، عیراغا یادا اوروپا یورتلارینا گیتدی. دینگه بیر تۆرکیأنینگ اؤزۆنده ی. پ. گ دن قاچان ۳۰۰ مۆنگ سوریه لی کۆرت یاشایار. عفرین ده یاشایان و قاچماق ایسله یأن سوریه لی کۆرتلره ی. پ. گ تاراپیندان روغصات بریلمه یأندیگی و زور بیلن ساقلانیاندیغی هممه لره بِللی. تۆرکیه سوریه لیلردن عمله گلیأن میللی قشون بیلن بیله لیکده عفرینی ی. پ. گ ترورچیلاریندان صاپلاپ، عفرین دأکی حالقی حالاص اتمه گی ناظاردا توتیار. تۆرکیأنینگ عفرین ده پایلان بیلدیریشلرینده "عفرین عفرینلیلرینگکیدیر" دییلیأن سؤزلِهم، تۆرکیأنینگ نیتینی آچ آچان گؤرکِزیأر.
زیتین شاحاسی حرکتی تۆرکیه اۆچین بیرنأچه سبأپدن باشلادیلان حاربی اوپراسیا. تۆرکیأنینگ سوریه دن عمله گلیأن میللی قشون بیلن بیله لیکده عفرین شأهِرینی ی. پ. گ ترورچیلاریندان صاپلاپ، هم اؤز میللی حۇوپسوزلیغینا آبانیان حۇوپی اۇرتادان آییرار هم ده سوریأنینگ تۇپراق بیتولیگینی قۇراپ، سوریه لی کۆرتلری ی. پ. گ- نینگ ظلمیندان حالاص ادر. داعش ینگ تۆرکیه سرحدیندن صاپلانماغیندان سۇنگ تۆرکیأنینگ ایچینده داعش تاراپیندان قورالیان هۆجۆملرینگ آزالماغی ی. پ. گ نینگ صاپلانماغیندان سۇنگ هم شیله نتیجأنی یۆزه چیقارار.
زیتین شاحاسی حرکتی تۇلقونلایین نتیجه عمله گتیریپ، پ. ک. ک/ ی. پ. گ أ بیله کی یرلرده ده ضاربا اورار. منبج ده، حسکه ده، رقه و دیرالزوردا ترور قوراماسی تاراپیندان باسیلان حالق قارشیلیق گؤرکِزمأگه باشلادی. منبج ده حالق آیاغا قالدی. ترورا حمایات بریأن آمریکا یالی یورتلار بو ایشینگ قیمماتی نینگ اولی بۇلجاقدیغینی و دۇوام اتمه سی مۆمکین بۇلمادیق درجأ یتجکدیگینه گؤز یتیرمأگه باشلارلار.
