آغری و ایغدیر ولایاتلاریندا سرحتده حۇوپسوزلیق دیوارلاری اؤرۆلیأر
گؤزلهگ دینگینه چیفان سۇیلی ایلکی بیلن تۆرکیه- ایران سرحدیندأکی شهیت بکر قورت سرحت قاراوولینا باردی
تۆرکیأنینگ ایچری ایشلر وزیری سلیمان سۇیلو آغری و ایغدیر ولایاتلاریندا قورلوشیغی دۇوام ادیأن سرحت حۇوپسوزلیق دیوارلاری نینگ ۵۰ گؤتریمی نینگ اؤرۆلِندیگینی بیلدیردی.
ژاندارمانینگ باشلیغی ژنرال عارف چتین بیلن بیله لیکده آغری و ایغدیردا گِزِن سلیمان سویلو تۆرکیه- ایران سرحدینده اؤرۆلیأن دیواری باریپ گؤردی.
گؤزلهگ دینگینه چیفان سۇیلی ایلکی بیلن تۆرکیه- ایران سرحدیندأکی شهیت بکر قورت سرحت قاراوولینا باردی.
تۆرکیأنینگ ایچری ایشلر وزیری،
"آغری و ایغدیردا اؤرۆلیأن حۇوپسوزلیق دیوارلاری نینگ ۵۰ گؤتریمی ۸ آیدا اؤرۆلدی" دیدی.
تۆرکیأنینگ تۇکی آدینداقی قورلوشیق قوراماسی تاراپیندان اؤرۆلیأن بو دیوارلار قشون باشلیقلیغی، ایچری ایشلر و داشاری ایشلر وزیرلیگی نینگ حیذماتداشلیغی بیلن دۇوام ادیأر.
بو دیوار بیلن ترورچیلارینگ سرحدی گچمهگینه پأسگل برمهک ماقصات ادینیلیأر.
تۆرکیأنینگ ایچری ایشلر وزیری سلیمان سۇیلو دیوار باراسیندا،
"۱۴۴ کیلومتر دیوار گِرهکلی بۇلدی. مونونگ سبأبی ترورچیلیق و بی قانون گؤچ ادیلشیک بیلن گؤرهش. بو دیوارینگ یاریسی ۸ آیدا قورولدی. سرحتده دیوار اؤرۆلندن سۇنگ بی قانون گؤچ ادیلشیک و ترورچیلارینگ ایران تاراپیندان تۆرکیأ گیرمهگی نینگ اؤنگۆنه گچریس. ایران دا ساغ بۇلسون اؤرأن ایشیمیزی آنگساتلادی. شونونگ اۆچین گرهکلی ایشلری اتدی. دیوار آگوست آیینا چنلی قوتارار. آرداحان دا دا گۆرجیستان و ارمنیستان بیلن سرحدیمیزده باشغا حیل بیلن شیله چأره گؤرهریس. ۱-۲ آی ایچرسینده چأره گؤرۆلجکدیر. بیز شۇل یرده ده الکترونیک اولغام بیلن چأره آلاریس" دیدی.
دِگیشلی حابارلار
أردوُغان اوُربان بیلن تلفن آرقالی گۆررۆنگ اتدی
تۆرک یوُلباشچی مجاریستان ینگ باش وزیری نینگ دوُغلان گۆنۆنی قوتلادی