سوچی‌ده تۆرکیه، ایران، روسیا گنگه‌شی گچیریلدی
بو ماصلاحاتینگ گۆن ترتیبینده سوریه باردی
سوریأنینگ یاغدایی اۆچین اؤرأن أهمیتلی بولان سوچی داقی تۆرکیه، روسیا و ایران ینگ جمهورباشلیقلاری نینگ ماصلاحاتی گچیریلدی.
تۆرکیأنینگ جمهورباشلیغی رجب طیب اردوغان، ایران ینگ جمهورباشلیغی حسن روحانی و روسیانینگ جمهورباشلیغی ولادیمیر پوتین بو ماصلاحاتدا 6 ییلدان بأری ایچرکی ساواشا دوچار بولان سوریأنینگ یاغدایی باراسیندا پیکیر آلیشدی.
اۆچی یولباشچی، اؤزآرا دوشوشیقلاریندان سونگ اورتاق مطبوغات گنگه شینی گچیردی.
ولادیمیر پوتین، سوریأنینگ میللی دیالوگ کنگره سی نینگ گچیریلمه گی باراسیندا اۆچ یوردونگ دا ایلالاشاندیغینی آیتدی.
پوتین "سوریه لیلر اؤز یاغدایلاری باراسیندا اؤزلری نأمه دیسه شول بولمالی" دیدی و
"سوریأنینگ یانگاداندان ایقدیصادی و سوسیال تایدان دیکه دیلمه گی اۆچین دوشوشدیق" دییپ بِللِه دی.
حسن روحانی بولسا سوریأنینگ میللی دیالوگ کنگره سینه سوریه دأکی بۆتین قاتلاغلارینگ قاتناشمالیدیغینی نیغتادی و
"بو کنگرأنینگ سوریه ده تأزه اساسی قانون طایارلاماغی اۆچین باشلانغیچ بولجاقدیغینی اومیت ادیأرین" دیدی.
تۆرکیأنینگ جمهورباشلیغی رجب طیب اردوغان بولسا تۆرکیأنینگ أهمیت برن حصوصلارینا اۆنس چکدی و
"ترورچیلارینگ چیزیقدان داشاردا دورماقلاری بیزینگ اۆچین همیشه کی یالی اینگ أهمیتلی حصوصدیر" دیدی و
آستانا ماصلاحاتی نینگ پیدالی بولاندیغینی نیغتاپ ایزی گیدرلی چؤزگۆت اۆچین ژنوده گچیریلن ماصلاحاتا اۆنس چکدی.
أردوغان، تۆرکیأنینگ میللی حووپسوزلیغینا قاصت ادن ترور قورامالاری بیلن دیالوگ قوراماجاقدیقلارینی یانگاداندان بیلدیردی.
رجب طیب أردوغان،
"سوریأنینگ توپراق بیتولیگی دیه ن بولساق الی قانا بولاشان بیر توپاری مشروع بیر آکتیور حؤکمۆنده گؤرۆپ بیلمه‌ریس" دیدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤره‌شه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی
