پ. ی. د و سوریه رژیمی حاتای ولایاتینا تۇپ گۆلـله سی زینگدی

حاتای ولایاتی نینگ یایلاداغی اترابینداقی سرحت مرکزینه قۇلای بیر یره سوریه تاراپیندان تۇپ گۆلـله سی زینگیلدی.

اسد رژیمی نینگ کنترلینداقی یرلردن اورلان تۇپ مرمیسی، قیزیل چات عسگر مرکزی نینگ قۇلایینا دگدی.

حۇوپسوزلیق گۆیچلری واقا بارادا بارلاغ سلجریش ایشلرینی آلیپ باریار.

حاتای ولایاتینداقی باشغا بیر عسگر مرکزینه ده پ. ی. د و سوریه رژیمی نینگ کنترلینداقی یردن هۆجۆم قورالدی.

تۆرکیأنینگ یاراغلی گۆیچلری واقا بیلن باغلانشیقلی پ. ی. د/ پ. ک. ک/ ی. پ. گ نینگ ترورچیلاری نینگ بار بۇلان آفرین شأهِری بیلن اسد رژیمی نینگ کنرتلینداقی یرلردن ایکی سرحت قاراوولینا ایکی آیری هۆجۆم قورالاندیغینی بیلدیردی و هۆجۆمده ییتگی چِکیلمأندیگینی، تۆرک حۇوپسوزلیق گۆیچلری نینگ بۇلسا دنگ آغراملیلیق اساسیندا تۇپ زینگیلان یرینگ تۇپ بیلن اورلاندیغینی حابار بردی.