بینالی ییلدیریم: سایلاوداقی چأک اۆیتگأپ بیلر

تۆرکیأنینگ باش وزیری بینالی ییلدیریم، ۱۰ گؤتریم بۇلان سایلاو چأگی نینگ آشاق قاچیریپ بیلینجکدیگینی آیتدی.

ییلدیریم چانکایا کؤشگۆنده ژورنالیستلار بیلن دوشوشدی.

سایلاو سیستمی باراسینداقی سۇراغلارا جۇغاپ برن باش وزیر:

"دورنوقلیلیغینگ یۇلا قۇیولماغی اۆچین گؤتریم چأگی یۇقاری توتولمادی می؟ ایندی موندان بیلأک دورنوقلیلیغی رایاتلارینگ اؤزی یۇلا قۇییار. شونونگ اۆچین سایلاو چأگی بیلن دورنوقلیلیغی گارانتی اتمأگه گِرِک یۇقدیر. شونونگ اۆچین گؤتریم چأگی بارادا بیر زاتلار ادیلیپ بیلینر"

دیدی.

بینالی ییلدیریم شیله دۇوام اتدی:

"مجلیس وکیللری نینگ هایسی اصول قادالارا گؤرأ سایلاندیغی، هایسی اولغام بۇلجاغی باراسیندا گۆرله‌شیلر. مونگا بیر پارتیا قارار بریپ بیلمِز. بیز عادالات و اؤسۆش پارتیاسی حؤکمۆنده مونی آچاریس. اۇتوریپ بۆتین پارتیالار بیلن گۆرله‌شِریس. ایلالاشیلیپ بیلینجک بیر یره گلسه‌ک مونی دا ادریس. ۱۶-نجی آپریل‌دان سۇنگرا اۇتوریپ بو بارادا گۆررۆنگ اتمأگه طایاردیرس"

شو واغتقی قانونا گؤرأ تۆرکیه‌ده مجلیس سایلاویندا یورتدا ۱۰ گؤتریمدن یۇقاری سس آلیپ بیلنلر مجلیسه گیریپ بیلیأر.