تۆرکیأنینگ جمهورباشلیغی آفریقا یورتلارینا ساپار قورار

تۆرکیأنینگ جمهورباشلیغی رجب طیب أردۇغان ایلکینجی گِزِک تانزانیا، موزامبیک و ماداگاسکارا ساپار قورار.

۲۲-۲۵-نجی یانوار تاریحیندا قورالجاق ساپارینگ گۆن ترتیبینده ایقدیصادی حیذماتداشلیق و تۆرکیأنینگ حیذماتداشلیق و اوتغاشیقلیلیق آژآنسی (تیکا) نینگ پروژه‌لری یر آلیار.

أردۇغان ینگ آفریقا ساپارینداقی ایلکینجی دورالغاسی تانزانیا بۇلار.

تۆرکیأنینگ جمهورباشلیغی اؤتن ییل قوربان بایرامیندا قوربانلیغی اۆچین دیانت ایشلری قوراماسی نینگ باشلیغی پروفسور دکتر محمت گؤرمِزی وکیل ادیپدی.

شۇل قوربانلیق تانزانیادا چالینیپ أتیأجی بۇلانلارینگ آراسیندا پایلانیپدی.

تیکانینگ تانزانیاداقی سیل سبأپلی کؤمِگه مأتأچ حالقا برن قۇلداولاری دا تانزانیالیلار تاراپیندان اونوتیلمایار.

أردۇغان تانزانیادان سۇنگ موزامبیک یوردونا ساپار قورار.

موزامبیک ینگ جمهورباشلیغی فیلیپه نیوسی بیلن دوشوشجاق بۇلان تۆرکیأنینگ جمهورباشلیغی تیکا قوراماسی نینگ شۇل یورتدا آلیپ باریان پروژه لرینی بارلار.

تیکا موزامبیک ده اکرانچیلیق باراسیندا اولی پورژه لر آلیپ باردی.

موزامبیک ینگ جمهورباشلیغی فیلیپه نیوسی، ۲۰۱۴-نجی ییلدا تۆرکیه دأکی جمهورباشلیق سایلاویندا رجب طیب اردوغان ینگ مالاتیناداقی میتینگینی ایزارلاپ اۆنسلری اؤزۆنه چکیپدی.

تۆرکیأنینگ جمهورباشلیغی نینگ سۇنگقی دورالغاسی بۇلسا ماداگاسکار بۇلار.

أردۇغان موندان اۇزال ایستامبول دا گچیریلن بیرلشن میللتلر قوراماسی نینگ بۆتین دۆیأ انسانی ماصلاحاتیندا ماداگاسکارینگ جمهورباشلیغی هری راجائوناریمامپیانینا بیلن ایکی چأک دوشوشیق گچیریپدی.

تیکا ایلایتادا ۲۰۰۹-نجی ییلدا باشلاپ ۲۰۱۳-نجی ییلدا گچیریلن سایلاولارا چنلی واغتلایین حؤکۆمت دؤورۆندأکی سیاسی دارتغینلیغینگ بۇلان ییللاریندا ماداگاسکارا اولی قۇلداولار بریپدی.

ساغلیغی ساقلاییش پوداغیندا ساسی قورلوشیقلارینگ یتمزچیلیگی سبأپلی حالقینگ قینچیلیق چکیأن یوردوندا تیکا قوراماسی بیلن تۆرکیأنینگ ساغلیغی قۇراییش وزیرلیگی ماداگاسکارا آمبولانسلار بریپدی.