أردۇغان: سوریهدأکی ترور قورامالارینا قارشی اۇپراسیا قورالیار
تۆرکیأنینگ جمهورباشلیغی تۆرکیأنینگ ترورا قارشی اگیلشیکسیز گؤرهشجِکدیگینی آیتدی
تۆرکیأنینگ جمهورباشلیغی رجب طیب أردۇغان سوریهدن تۆرکیأ ادیلیأن هۆجۆملرینگ بس ادیلمهگی اۆچین شو گۆن ایردن سوریهدأکی ترور قورامالارینا قارشی اۇپراسیا (عملیات) باشلادیلاندیغینی آیتدی.
آنکارادا بیر دابارادا چیقیش ادن أردۇغان سۇنگقی گۆنلرده قورالان ترورچیلیقلی هۆجۆملرده شهیتلرینگ سانینینگ دۆینکیلر بیلن ۲۴۱-ِه یِتِندیگینی نیغتاپ، شهیتلره رحمت دیلأپ قارینداشلارینا دویغوداشلیق بیلدیردی.
یوردونگ شیله غام غوصصالارا دوچار بۇلمازلیغینی آرزوو ادن رجب طیب أردۇغان:
"حأضیرکی واغتدا قینانساغام سوریهدن یوردومیزا، غازی آنتپ و کیلیس شأهِرینه قورالیان هۆجۆملر مسئلأنی شو چأگه یتیردی. ایندی یتر، بو ایش بو تایدا تاماملانمالی دیدیک. ایر ارتیر ساغات ۴.۰۰-دا داعش، ی. پ. گ یالی ترور قورامالارینا اۇپراسیا باشلادیلدی. ایندی بو ایش چؤزۆلمهلی. کأبیرلری حمله آتیار: سوریه تۆرکیه اۆچین شیله بۇلان، بیله بۇلار دییأر. من اۇلارا سیز اؤزۆنگیز نأمه بۇلجاقدیغینگیزی حاساپلانگ" دیدی.
أردۇغان "تۆرکیه حۇوپ آباندیرجاق کیم بار بۇلسا، اۇلارا قارشی میللت حاربی قشونی، پلیس گۆیچلری، قۇراغچی و میللتی بیلن دگیشلی جۇغابی برر" دیدی.
ترورچیلیغا قارشی بیلهلیکده گؤرهشمهگینگ أهمیتینه اۆنسی چکن أردۇغان:
"اگر ترورچیلیغا قارشی گؤرهشمهکده دۆنیأ حالقلاری ایلالاشماسا، اۇل بۆتین آدامزادینگ جۇغاپکأرچیلیگیدیر. شونونگ اۆچین بیلهلیکده گؤرهشمهک حؤکمأنی. بیزینگ باشیندان بأری تاریحی قاتناشیقلاریمیز بۇلان سوریهلی دۇغانلاریمیزا دۇغانلیق الینی اوزاتماقدان باشغا نیتیمیز، ایشیمیز بۇلمادی" دییپ نیغتادی.
تۆرکیأنینگ سوریأنینگ تۇپراق بیتِولیگینی قۇراماقدا ایقرارلیدیغینی نیغتان رجب طیب أردۇغان:
"بو مسئلهدأکی قایداوسیزلیغیمیزی بۆتین دۆنیأ، ینه ده بیر گِزِک بیان اتمهک ایسلهیأرین: تۆرکیه سوریهده صاحنالانماغا سینانشیلیان اۇیونا، گؤزبۇیاغچیغا راضی بۇلماز. گِرِک بۇلسا مسئلأ گؤنۆدن گؤنی قۇشولیپ، أهلی مۆمکینچیلیکلریمیزدن پیدالانیپ سوریأنینگ تۇپراق بیتِولیگینی قۇراماغا، یوردونگ اؤز ایغتیاری بیلن دۇلاندیریلماغینی اۆپجۆن اتمأگه طایار." دیدی.
ترور قورامالارینینگ تۆرک میللتینی بؤلمأگه گۆیجۆنینگ یتمهجِکدیگینی بیان ادن تۆرکیأنینگ جمهورباشلیغی "اۆستهسیندن گلیپ بیلمِرسینگیز. میللتیمیزی بؤلۆپ بیلمِرسینگیز، بایداغیمیز پاسیرداماغا دۇوام ادر. واطانیمیزی بؤلۆپ بیلمِرسینگیز، دؤولتیمیزی ییقیپ بیلمِرسینگیز، آذانیمیزی کسیپ بیلمِرسینگیز، بو یوردی دیزا چؤکِریپ بیلمِرسینگیز، بو حالقا بۇیوندیریق داقیپ بیلمِرسینگیز" دیدی.
ترور قوراماسی داعش ینگ اسلام دینی بیلن آراباغلانشیغی بۇلماندیغینی نیغتان أردۇغان بولارینگ ترسینه بوعاصیردا اسلامینگ باشینا بلا بۇلاندیغینی آیتدی.
داشاری ایشلر وزیری مولود چاووشاۇغلی بۇلسا فیرات قالقانی اۇپراسیاسی بارادا برن بیاناتیندا "ماقصادیمیز ترور قوراماسی داعشی دمیرقازیقدان آشاق سۆرمهک. بو گؤرهش الیمیزدأکی أهلی مۆمکینچیلیکلر بیلن دۇوام ادیأر" دیدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی