أردۇغان: ترورچیلیق بیلن ادیلیأن ساواش دۇوام ادر

تۆرکیأنینگ جمهورباشلیغی رجب طیب أردۇغان ایستامبول داقی آتاتۆرک قۇنالغاسینا حیاناتچیلیقلی هۆجۆم باراسیندا بیانات بردی.

رجب طیب اردوغان ترور قوراماسی اۆچین ایستامبول بیلن لندن ینگ، آنکارا بیلن برلین ینگ آراسیندا بیر تاپاووتینگ بۇلماندیغینی آیتدی و بۆتین دؤولتلرینگ ترور قورامالارینا قارشی بیله لیکده ساواشمالارینی ایسله دی.

بو هۆجۆم بیلن "ترور قورامالاری نینگ، گۆنأسیز یؤنه کی حالقی نیشانا آلان قارانقی یۆزۆنی ینه بیر گِزِک گؤرکِزِندیگینه" اۆنس چکن أردۇغان "بو هۆجۆم بیر ماقصات اۆچین دأل، دینگه آسودا ایلاتینگ قانی و غام غوصصاسی بیلن دۆنیأده یوردومیزا قارشی پروپاگاندا قوراماق ماقصادی بیلن ادیلِندیر" دیدی.

أردۇغان مۆبأرِک اۇرازا آییندا بۇلان "بو هۆجۆم ترورچیلیغینگ اینانچ باشدا بۇلماق بیلن هیچ بیر آحلاقی زادا أهمیت برمه یأندیگی نینگ ثبوتیدیر" دیدی و ترورچیلارینگ قوربانلاری نینگ آراسیندا تاپاووت قۇیمایاندیغینا اۆنس چکدی.

تۆرکیأنینگ جمهورباشلیغی "تۆرکیه، ترور قورامالاری بیلن ادیأن ساواشینا چکن بۆتین اجیرلرینه قارامازدان دۇوام ادر و شۇل ساواشی دۇوام اتدیرجِک گۆیجه و ایسله گه، عاقیلا و مۆمکینچیلیگه ایه دیر" دییپ بِلله دی و

رجب طیب أردۇغان "شو گۆن ایستامبولدا پارتلان بمبالار ترورینگ حیاناتچیلیقلی کاراکتری سبأپلی دۆیأنینگ هایسدیر بیر شأهِرینده یادا قۇنالغاسیندا بۇلوپ بیلردی" دیدی.