أردۇغان روس اوچارمانی نینگ اؤلمه گینه قینانچ بیلدیردی

تۆرکیأنینگ جمهورباشلیغی رجب طیب أردۇغان، تۆرک هۇوا گینگیشلیگینی بۇزاندیغی سبأپلی ۲۴-نجی نۇیابردا اورلوپ دۆشۆریلن روس اوچاری نینگ اوچارمانی نینگ اؤلمه گینه قینانچ بیلدیردی.

پرزیدنتینگ مطبوغات گنگه شچیسی ابراهیم قالین أردۇغانینگ روسیانینگ جمهورباشلیغی ولادیمیر پوتینا یازان دویغوداشلیق حاطی بارادا بیانات بردی.

ابراهیم قالین، تۆرکیأنینگ حمهورباشلیغی نینگ روسیالی ایشدشینه یازان حاطیندا روس ساواش اوچاری نینگ دۆشۆریلمه گینه چونگقور قینانچ بیلدیریپ "یۇغالان روس اوچارمانی نینگ ماشغالاسینا قینانجیمی ینه ده بیر گِزِک بیان اتمه ک و حمایات بریجی سؤزلریمی یتیرمه ک ایسله یأرین، قاتی گؤرمه سینلر دییأرین" دیه ندیگینی آیتدی.