أردۇغان آلمانیانینگ پارلمانی نینگ قارارینی یازغاردی
أردۇغان قارارینگ آرقارسیندا یۇقاری عقلینگ باردیغینی بِلله دی
تۆرکیأنینگ جمهورباشلیغی رجب طیب أردۇغان آلمانیانینگ پارلمانیندا ۱۹۱۵-نجی ییلداقی واقالار بیلن باغلانشیقلی قابول ادیلن قارارینگ آرقاسیندا "یۇقاری عقلینگ" باردیغینی نیغتادی.
گۆن دۇغار آفریقا یورتلارینا ساپارا چیقان رجب طیب أردۇغان ژورنالیستلارینگ سۇراغلارینا جۇغاپ بریپ قارارینگ تۆرکیه اۆچین أهمیتسیز بۇلاندیغینی آیتدی.
آلمانیانینگ تۆرکیه یالی بیر دوستونی ییتیرمه حۇوپی بیلن یۆز یۆزه گلِندیگینی بیلمه یأندیگینی بِللأن أردۇغان قارارینگ قابول الدیلمه گینده "یۇقاری عقلینگ" تأثیری نینگ باردیغینی حابار بردی.
"گچن ییل ۱۹۱۵-نجی ییلداقی واقالارینگ ۱۰۰-نجی ییلیندا قارار نأمه اۆچین سس بریلشیگه قۇیولمادی، شو ییل قۇیولدی؟" دیه ن أردۇغان "یۇقاری عقلدان بویروق آلیپ بولار یالی حرکت اتدیلر" دیدی.
سس بریلشیگه قاتناشمایان آلمانیانینگ باش وزیری آنجلا مرکل بارادا بۇلسا "آلمان حؤکۆمِتی بولار یالی قاراردان سۇنگ منینگ و باش وزیرینگ یۆزۆنه نأدیپ سر ادر" دییپ سۇرادی.
پارلمانینگ قابول ادن قاراری نینگ بۇسغون ایلالاشیغینا تأثیر یتیرمه جِکدیگینی نیغتان أردۇغان "مسئله آلمانیا بیلن باغلانشیقلی، تۆرکیه- اوروپا بیله له شیگی مسئله سی یالی قاراماق دۇغری دأل" دیدی.
پرزیدنت أردۇغان سوریه مسئله سینده آمریکانینگ برن سؤزۆنی یرینه یتیرمأن حالاتیندا اؤز گؤبِکلرینی اؤزلری نینگ کِسجِکدیگینی بیان اتدی.
دِگیشلی حابارلار
أردوُغان تأزه ایلچیلری قابول اتدی
تۆرکیأنینگ جمهورباشلیغی رجب طیب أردوُغان برونئی، سومالی و اسپانیانینگ تأزه ایلچیلرینی قابول اتدی
