أردۇغان میهمان یۇلباشچیلارینگ حۇرماتینا ناهار بردی

تۆرکیأنینگ جمهورباشلیغی رجب طیب أردۇغان بیرلشن میللتلر قوراماسی نینگ بۆتین دۆنیأ انسان پرور ماصلاحاتینا قاتناشیان لیدرلرینگ حۇرماتینا آغشام ناهارینی بردی.

دۇلماباغچه کؤشگۆنده برلن ناهاردا میهمانلاری داشاری ایشلر وزیری مولود چاووش اۇغلی بیلن عایالی هۆلیا چاووش اۇغلی قارشیلادی.

پرزیدنت أردۇغان ینگ زالا گیرمه گیندن سۇنگ بۆتین دۆنیأ انسان پرور ماصلاحاتینا قاتناشیان یۇلباشچیلار یأدیگأرلیک صورات آلدیلار.

ماصلاحاتا قاتناشیان یورتلارینگ یۇلباشچیلاری یأدیگأرلیک صوراتینگ یۆزۆنه قۇل چکدیلر.

ناهارا بیرلشن میللتلر قوراماسی نینگ باش یازمانی بان کی مون، آذربایجان ینگ جمهورباشلیغی الهام علی یف و فلسطین ینگ جمهورباشلیغی محمود عباس بیلن بیرلیکده ماصلاحاتا قاتناشیان یورتلارینگ دؤولت و حؤکۆمِت باش توتانلاری قاتناشدی.