آمریکانینگ تۆرکیه‌دأکی باش‌ایلچیسی چاغیریلدی

آمریکانینگ آنکاراداقی باش ایلچیسی جان باس، یوردونینگ آیرالیقچی ترور قوراماسی پ.ک.ک-نینگ بیر پارچاسی بۇلان PYD تۇپاری حاقیندا قاراییش بیان اتمه ک اۆچین داشاری ایشلر وزیرلیگینه چاغیریلدی.

داشاری ایشلر وزیری نینگ گنگه شچیسی تاراپیندان قابول ادیلن باش ایلچی باس- آ، آمریکانینگ داشاری ایشلر وزیرلیگی نینگ مطبوغات گنگه شچیسی جان کربی نینگ گۆنلۆک مطبوغات گنگه شینده "PYD-نی ترور قوراماسی حؤکمۆنده گؤرمه یأریس" دیه ن سؤزلریندن بینجالیق بیلدیردیلدی.

مجاریستان دا ساپاردا بۇلان تۆرکیأنینگ داشاری ایشلر وزیری مولود چاووش اۇغلی دا بو بیاناتی یازغاریپ "ایندی سیز بیر دأنه ترور قوراماسینی ساناوا آلیانگیز، شۇنونگ بیلن بیله لیکده ترورچیلیق ادن باشغا بیر تۇپاری بو ساناوا دگیشلی گؤرمه یأرسینگیز. مونونگ اینگ ینگیل آنیقلاییشی سادالیق، باشغا نامه دیه لینگ، اِمما بو قابول ادیلمِز" دیدی.

مولود چاووش اۇغلی "آمریکا سایلامالی، حیذماتداش حؤکمۆنده بیزی سایلایار می یۇغسام ترور قورامالارینی سایلایار می؟" دییپ بِلله دی.

بیله کی تاراپدان آمریکانینگ داشاری ایشلر وزیرلیگی نینگ مطبوغات گنگه شچیسی جان کربی شو گۆن برن تأزه بیاناتیندا ینه بیر گِزِک "PYD حاقینداقی قاراییشیمیز اۆیتگه مه دی" دیدی.

آمریکان مطبوغات گنگه شچیسی "تۆرکیه بیزینگ شأریگیمیز. PYD بیلن تۆرکیأنینگ آراسیندا بیرینی سایلاماق یالی بیر نیتمیز یۇق" دیدی.