شو گۆن چاناققالا دنگیز ینگیشینینگ ۱۰۰-نجی ییلی
تۆرکیأنی قانلاری بیلن سوواران، واطانینی قۇران قاهرامان شهیتلر حاطیرالانیار
شو گۆن ۱۸-نجی مارت چاناققالا (داردانل) دنگیز ینگیشینینگ ۱۰۰-نجی ییلی و شهیتلری حاطیرالاما گۆنی.
چاناققالا ینگیشی تاریحینگ آقیمینی اۆیتگهدِن و عاصرینگ سۇنگقی تکنولوژیلری بیلن اؤندۆرلِن یاراغلارا قارشی قازانیلان بیک ینگیشدیر.
چاناققالا ساواشی (داردانل ساواشی) ۱-نجی جاهان اورشی ییللاریندا ۱۹۱۵-۱۹۱۶-نجی ییللارینگ آرالیغیندا گلیبۇلو یاریمآداسیندا عثمانلی دؤولتی بیلن حیذماتداش (متفق) یورتلارینگ آراسینداقی دنگیز و قوری یر ساواشلارینینگ آدی.
شۇل ساواشدا حالقینگ قاهرامانچیلیق دِسسانی یازیلدی.
دوشمان گۆیچلری ایلکی دنگیزدن چاناققالا بۇغازینی گِچمأگه سینانشدی.
باشاریپ بیلمأندیکلری اۆچین هم قورییردن هۆجۆمه گچدیلر.
اِمما دوشمان، تۆرک عسگرلرینینگ قایدووسیز ساواشی نتیجهسینده ایزینا سرپیکدیریلدی و دوشمان گۆیچلر ماقصادینا یتیپ بیلمهدی
داردانل دنگیز ینگیشینینگ ۱۰۰ ییللیغی تۆرکیأنینگ دؤرت کۆنجهگینده دابارالی یاغدایدا بِللهنیلیپ گچیریلیأر و شهیتلر اۆچین آیات- تؤویر اۇقالیار.
چاناققالادا گچیریلجک دابارالارا باشوزیر احمد داووداۇغلی بیلن بیرلیکده کؤپ سانلی وزیر قاتناشار.
یۆزۆنده "چاناققالا گچیلمز" دییلیپ یازیلان آلتین مدال ۲۵۳ مۆنگ شهیدینگ حۇرماتینا تۆرکیه جمهوریتینینگ بایداغینا داقیلار.
گلیبۇلو یاریمآداسینداقی شهیتلر یأدیگأرلیگینده هم دابارا گچیرلر.
حاربی گأمیلرینگ دنگیزدن گچمهگینده و حاربی اوچارلارینگ چیقیشیندان سۇگ حالق شهیتلیکده آیات تؤویر ادر.
دِگیشلی حابارلار
أردوُغان تأزه ایلچیلری قابول اتدی
تۆرکیأنینگ جمهورباشلیغی رجب طیب أردوُغان برونئی، سومالی و اسپانیانینگ تأزه ایلچیلرینی قابول اتدی