عبدالله گۆل موصل مسئلهسی بویونچا ماصلاحات گچیردی
ماصلاحاتلاردا تۆرکیأنینگ موصلداقی کُنسوللیغی واقاسی باراسیندا گینگیشلهیین پیکیر آلیشیلدی
داعش قوراماسینینگ موصلداقی تۆرک کُنسوللیغینا قوران هۆجۆمیندن سونگ آنکاراداقی ماصلاحاتلار دوُوام ادیأر.
ایلکی داشاری ایشلر وزیری احمد داووداوُغلی، میللی حۇوپسوزلیق گنگِهشینینگ باشلیغی هاکان فیدان، باش شتابینگ (قُشونینگ) ایکینجی باشلیغی یاشار گۆلر وِ ایچری ایشلر بؤلۆمینینگ یولباشچیلارینینگ قاتناشماغیندا ماصلاحات گچیریلدی.
سونگ تۆرکیأنینگ جمهورباشلیغی عبدالله گۆلۆنگ چاغیریشینا لاییقلیقدا چانکایا کؤشگۆندهده ماصلاحات گچیریلدی.
گۆل موصلداقی سونگقی یاغدای باراسیندا ماغلومات آلماق اۆچین داشاری ایشلر وزیری داووداوُغلینی، میللی حۇپسوزلیق گنگِهشینینگ باشلیغی هاکان فیدانی، باش شتابینگ ایکینجی باشلیغی یاشار گۆلری وِ داشاری ایشلر وزیرینینگ اورونباساری فریدون سینیرلیاۇغلونی چاغیردی.
ماصلاحاتدا عیراقدان گلیپ قۇوشان أهلی ماغلوماتلار سلجریلدی، هم-ده موندان بیلأک ادیلمهلی ایشلر باراسیندا پیکیر آلیشیلدی.
یتیلن سپگیت باراسینداقی بیانات بولسا داشاری ایشلر وزیرینینگ اورونباساری ناجی کورو تاراپیندان بریلدی.
کونسوللیغینگ ایشگأرلرینینگ وِ تۆرک سۆرۆجیلرینینگ ساغلیق یاغدایینینگ قۇویدیغینی آیدان ناجی کورو، اولارینگ سوریأ آلینیپ گیدیلِندیگی باراسینداقی حابارلارینگ حاقیقاتی بیان اتمهیأندیگینی، هنیزم موصلدا ساقلانیاندیقلارینی آیتدی.
اولاغ (ماشین) سۆرۆجیلری اۆچین پول سۇرالمایاندیغینی آیدان ناجی کورو، هۆجۆمینگ دوُوامیندا باشبۇزارلارینگ سانینینگ قارشیلیق گؤرکزمأگه مۆمکینچیلیک برمهجِک درجهده کؤپدۆگینی نیغتادی.
ناجی کورو هۆجۆمدن اۇزال عیراغینگ دگیشلی ادارالارینینگ تۆرک کُنسوللیغینی قۇرایان یرلی حۇوپسوزلیق گۆیچلرینی چکِندیگینی هم نیغتادی.