آنکارا سوریه‌دأکی سایلاو قارارینا برک قارشیلیق گؤرکزیأر

سوریأنینگ حؤکۆمتی ایون (ژوئن) آییندا جمهورباشلیق سایلاولاری‌نینگ گچیریلمگی اۆچین طایارلیق گؤریأر.
آنکارا بولسا سایلاو قارارینا برک قارشیلیق گؤرکزیأر.
داشاری ایشلر وزیری احمد داووداوُغلی دۆنیأ وِ حالقارا جمغیتچیلیگینه دویدوریش بردی.
داووداوُغلی "حأضیرکی شرطلرده قابول ادیلن سایلاو قاراری حؤکۆمتینگ ایکی یۆزلی حِرِکت ادیأندیگینی گؤرکزیأر" دیدی.
چاقنیشیقلار سبأپلی آزیندان ۳ میلیون سوریه‌لی یوردوندان قاچیپ بوسغون یاغدایینا گلدی.
سوریه‌ده آزیندان ۶،۵ میلیون آدام هم اؤیلرینی ترک اتمأگه مجبور بولدی.
یاغنی سایلاودا یوردونگ ایلاتی‌نینگ یاریسی سس بریپ بیلمه‌جِک یاغدایا گلدی.
اردن‌دا ساپاردا بولان داشاری ایشلر وزیری احمد داووداوُغلی تۆرکیأ‌نینگ کؤپچۆلیکله‌یین حابار بریش سریشده‌لری‌نینگ وکیللری‌نینگ سۇراغلارینا جۇغاپ بردی.
داووداوُغلی "حأضیرکی شرطلرده یاغنی ایلاتی‌نینگ یاریسی باشغا یرده ماحالی گچیریلجک سایلاوینگ معنیسی بولوپ بیلِرمی، آصلیندا سایلاو قاراری بیرنأچه نوقدای ناظاردان حؤکۆمتینگ ایکی یۆزلی حِرِکت ادیأندیگینی وِ ایچگین دألدیگینی گؤرکزیأر" دیدی.