تۆرکمن ایلچیسی آذربایجان ینگ شوشا شهرینه باریپ گؤردی

تۆرکمنیستان ینگ آذربایجان داقی تأزه ایلچیسی قوربان مأمت الیاسوف شوشا شهرینه باریپ گؤردی.

شوشا شهرینده تۆرکمن دیپلمات آذربایجان ینگ جمهورباشلیغی نینگ بؤلگه دأکی یؤریته وکیلی آیدین کریموف تاراپیندان قابول ادیلدی.

قوربان مأمت الیاسوف شهر، اوُنونگ تاریحی و بیله کی یاغدایلاری بیلن تانیشدیریلدی.

آذربایجان ینگ جمهورباشلیغی الهام علی یف 2021-نجی ییلینگ مای آییندا شوشا شهرینی آذربایجان ینگ مدنی پایتاغتی ایغلان ادیپدی.

آذربایجان 2022-نجی ییلی دا شوشا شهری نینگ ییلی دییپ ایغلان اتدی.

مارت آییندا دا شوشا شهری 2023-نجی ییلدا تۆرک دۆنیأسی نینگ مدنی پایتاغتی ایغلان ادیلیپدی.

بیرینجی قاراباغ ساواشیندا ارمنی گۆیچلر تاراپیندان اشغال ادیلن شوشا 2020-نجی ییلداقی داغلیق قاراباغ ساواشیندا یانگاداندان آذربایجان ینگ کنترلی آستینا آلیندی. شهر 2020-نجی ییلینگ 8-نجی نویابریندا آذربایجان ینگ قشونی تاراپیندان آزات ادیلدی.