سلیمان سوُیلو اؤزبگیستان دا
سوُیلو رسمی ساپار اؤزبگیستان ینگ پایتاغتی داشکنته باردی و اؤزبک ایشدشی پولات باباجانوف بیلن دوشوشدی
تۆرکیأنینگ ایچری ایشلر وزیری سلیمان سوُیلو اؤزبگیستان ینگ دورنوقلیلیغی و آسودالیغینی تۆرکیأنینگ دورنوقلیلیغی و آسودالیغی یالی گؤریأندیکلرینی آیتدی.
سوُیلو رسمی ساپار اؤزبگیستان ینگ پایتاغتی داشکنته باردی و اؤزبک ایشدشی پولات باباجانوف بیلن دوشوشدی.
سوُیلو بیلن باباجانوف ایچری ایشلر وزیرلیگینده اؤزآرا دوشوشیق گچیرندن سوُنگ توُپارآرا دوشوشیغا یوُلباشچیلیق اتدیلر.
ماصلاحاتدان سوُنگرا چیقیش ادن تۆرک وزیر ایکی یوردونگ آراقاتناشیغی نینگ اولی شأریکلیک گؤرنۆشینه گلندیگینی یاتلاتدی و بو باباتدان همه لره اولی جوُغاپکأرلیگینگ دۆشیأندیگینی بیلدیرددی.
بو اۆستۆنلیگینگ دوُغانلیق و چین یۆره‌کدنلیگینگ نتیجه سی بوُلاندیغینی آیدان سلیمان سوُیلو "شو گۆنکی گۆنده اؤزبگیستان استراتژیک یری، آلیپ باران گؤزیتیمی و آدامزادا بریأن أهمیتی بیلن ادن رفرملاری و اؤسۆش دپگینی بیلن اولی أدیملر أدیأر. بو بیزه اولی بویسانچدیر" دیدی.
اؤزبگیستان ینگ ایچری ایشلر وزیری باباجانوف دا تۆرکیأنینگ حوُووپسوزلیق، عمومی حوُوپسوزلیق، ترورچیلیق بیلن گؤره‌ش و گۆنألره قارشی گؤره‌ش مسئله لریندأکی تجریبه لری نینگ اؤزبگیستان اۆچین أهمیتلی بوُلاندیغینی نیغتادی.
