چاووش اوُغلی دمیرقازیق قبرس تۆرک جمهوریتینده

تۆرکیأنینگ داشاری ایشلر وزیری مولود چاووش اوُغلی دمیرقازیق قبرس تۆرک جمهوریتینده جمغیتچیلیک وکیللری بیلن دوشوشدی.

چاووش اوُغلی نینگ دوشوشیغی گیرنه شهرینده گچیریلدی.

داشاری ایشلر وزیری نینگ اوُرونباساری سدات اؤنال و تۆرکیأنینگ لِکفوشاداقی ایلچیسی علی مراد باش‌چری ده بو ماصلاحاتا قاتناشدی.

دوشوشیق بیلن باغلانشیقلی ماغلومات برن چاووش اوُغلی "دۆین، شو گۆن و همیشه بیله لیکده دیرس. بیله لیکده لیگیمیزی یوُق اتمأگه سینانشیانلارا روغصات برمه‌ریس" دیدی.

چاووش اوُغلی لاپتا بؤلگه سینده ده قبرسلی یورتداشلار بیلن دوشوشدی.

چاووش اوُغلی بو یرده برن بیاناتیندا "قبرس ینگ تۆرک حالقی بیزینگ جانیمیز، هر زادیمیز و قیمماتلیغیمیزدیر" دیدی و شو گۆنکی گۆنه چنلی دمیرقازیق قبرس تۆرک جمهوریتینی و قبرسلی تۆرکلری هیچ یکه قوُیماندیقلارینی و موندان بیلأک ده یکه قوُیماجاقدیقلارینی نیغتادی.

تۆرک وزیر، قبرس داقی اوُیونلارینگ اؤنگۆنه گچیلمه گی نینگ أهمیتینه اۆنس چکدی و،

"موندان بیلأک (یونان تاراپی بیلن) قاراشسیز دنگلیک بار، سیاسات دنگلیگی یوُق. یاغنی ایکی دؤولتلی چؤزگۆت. بیله لیکده یاشاجاق ایکی دؤولت اؤز آراسیندا هر حیلی حیذماتداشلیق ادیپ بیلر. بو عاداتی زاتدیر. قبرس تۆرکلری نینگ اؤزایغیتیارینی هممه حالق قابول اتمه لیدیر" دیدی.