الهام علی یف، تۆرکمنیستان ینگ جمهورباشلیغی سایلانان سردار بردی محمدووی قوتلادی

آذربایجان ینگ جمهورباشلیغی الهام علی یف، تۆرکمن ایشدشی قوربان قولی بردی محمدوف بیلن تلفن آرقالی دوشوشیق گچیردی.

ایکی یوُلباشچی سوُنگقی ییللاردا آذربایجان بیلن تۆرکمنیستان ینگ آراسینداقی دوُستلوق و دوغانلیق قاتناشیقلارینگ یوُقارلاماغینا حوُشاللیق بیلدیردیلر.

علی یف بیلن بردی محمدوف ایکی یوردونگ قاتناشیقلاری نینگ موندان بیلأک ده بۆتین پوداقلاردا اؤسجکدیگی باراسیندا اینام بیلدیردیلر.

تۆرکمنیستان ینگ تأزه سایلانان جمهورباشلیغی سردار بردی محمدوف بیلن ده دوشوشان الهام علی یف، اوُنونگ سایلاوداقی اۆستۆنلیگی سبأپلی قوتلاغ بیلدیردی و تۆرکمنیستان ینگ تأزه سایلانان جمهورباشلیغینا اۆستۆنلیک آرزوو اتدی.

سردار بردی محمدوف بوُلسا قوتلاغ سبأپلی آذربایجان ینگ جمهورباشلیغینا مینتدارلیق بیلدیردی.