بردی محمدوف: تۆرکمنیستان حیتایا ایبریأن گاز موقدارینی یوُقارلاتماغا طایار
تۆرکمنیستان حیتایا گاز یتیریأن دؤردۆنجی توربانی چِکمأگه طایاردیغینی بیلدیردی
تۆرکمنیستان ینگ جمهورباشلیغی قوربان قولی بردی محمدوف حیتای بیلن مرکزی آسیا یورتلاری نینگ آراسیندا دیپلماتیک قاتناشیقلارینگ یوُلا قوُیولماغی نینگ 30-نجی ییللیغی میناسیبتلی گچیریلن ماصلاحاتا قاتناشدی.
تۆرکمن یوُلباشچی ادن چیقیشیندا "عمومی مۆمکینچیلیگیمیز، قوواتلی سریشده و صناغات و تکنولوژی قورلوشیغیمیز ایقدیصادی حیذماتداشلیق اتمه ک اۆچین اؤرأن قوُوی شرطلر دؤرهدیأر" دییپ آیتدی.
بردی محمدوف "یانغیچ- انرژی پوداغی شوُنونگ ایلری توتولیان اوغورلاریندان بیریدیر. قازاغیستان و اؤزبگیستان ینگ چأکلِریندن گچیأن تۆرکمنیستان- حیتای استراتژیک گأز گچیریجیسی قورلوپ 2009-نجی ییلینگ آحیریندا ایشه گیریزیلمه گی پوداغینگ اؤنگده باریجی دسگالارینا اؤورۆلدی. بیز انرژی حیذماتداشلیغینی اؤسدۆرمهگینگ و گینگِلتمهگینگ یوُلی بیلن اؤنگه حرکت اتمهلیدیرس. تۆرکمنیستان 4-نجی گاز گچیریجی توربا اولغامینی قورماق آرقالی تۆرکمن طبیغی گازینی حیتایا ایبریأن مؤچبرینی آرتدیرماق مسئله لرینی آرا آلیپ ماصلاحاتلاشماغا طایار" دیدی.