آذربایجان بیلن ارمنیستان ینگ یوُلباشچیلاری دوشوشار

آذربایجان ینگ جمهورباشلیغی الهام علی یف بیلن ارمنیستان ینگ باش وزیری نیکول پاشینیان اوروپا بیله له شیگی نینگ کمیسیونی نینگ باشلیغی چارلز میشل بیلن اۆچ تاراپلی ماصلاحات گچیرر.

ماصلاحات، اوروپا بیله له شیگی- گۆن دوُغار اوُرتاقلیغی ماصلاحاتی نینگ گچریلیأن بلژیک ده، شوُل ماصلاحاتدان اوُزال، شو گۆن گچیرلر.

اوروپا بیله له شیگیندن بریلن ماغلوماتا گؤرأ میشل ایلکی بیلن علی یف و پاشینیان بیلن آیری آیری دوشوشیق گچیرر.

سوُنگ بوُلسا آغشام آرا میشل، علی یف و پاشینیان اۆچ تاراپلی ماصلاحات گچیرر.

علی یف بیلن پاشینیان سوُنگقی گِزه ک روسیانینگ سوچی شهرینده ولادیمیر پوتین ینگ یر ایه چیلیگینده دوشوشیپدی.

اوروپا بیله له شیگی- گۆن دوُغار اوُرتاقلیغی ماصلاحاتی 15-نجی دِکابردا (ارتیر) اوروپا بیله له شیگی نینگ دوُلاندیریجیلاری بیلن اوکراینا، گۆرجیستان، مولداوی، آذربایجان و ارمنیستان ینگ یوُلباشچیلاری نینگ قاتناشماغی بیلن گچیرلر.