قازاغیستان دا حالقارا بیلیم سرگیسی آچیلدی
بو سرگیأ قازاغیستان، روسییا، بلغاریستان، کانادا، لیتوانیا، لهستان و سوئیس دن گلن بیلیم یورتلاری نینگ وکیللری قاتناشیار
قازاغیستان ینگ پایتاغتی نورسلطان دا ۱۷-نجی حالقارا بیلیم سرگیسی آچیلدی.
آتاکنت اکسپو شرکتی تاراپیندان کؤرمه سرگی مرکزینده گچیریلیأن فوآرینگ آچیلیش داباراسینا شرکت ایه لری، دیپلماتلار و کؤپ سانلی میهمان قاتناشدی.
بو سرگیأ قازاغیستان، روسییا، بلغاریستان، کانادا، لیتوانیا، لهستان و سوئیس دن گلن بیلیم یورتلاری نینگ وکیللری قاتناشیار.
سرگأ قاتناشان حۇجا احمد یسوی حالقارا تۆرک- قازاق بیلیم یوردونینگ باشلیغی نینگ گنگه شچیسی یدیل تؤله‌گنوف آناتولی آژانسینا رپرتاژ بردی.
احمد یسوی بیلیم یوردونینگ ایالتینگ پایتاغتی تۆرکیستان دا بۇلماغی سبأپلی اۆنس چکندیگینی آیدان تؤله‌گِنوف،
"سۇنگقی ۲ ییلدا طالیپلاریمیز سانی ۲ اِسسه یۇقارلادی و ۱۰ مۆنگ اۇقووچیدان گچدی. بولارینگ ۱۵ گؤتریمی داشاری یورتلی" دیدی.
تؤله‌گنوف شۇل بیلیم یوردوندا ۱۷ یورتدان و ۴۱ میللتدن اۇقووچی نینگ باردیغینی آیتدی.
حوجا احمد یسوی بیلیم یوردونینگ قازاغیستان داقی یکه تأک حالقارا بیلیم یوردی بۇلاندیغینی آیدان تؤله گنوف، بیلیم یوردوندا قازاقچا، تۆرکچه، اۇرسچا و انگلیسچه ساپاق بریلیأندیگینی نیغتادی.
تؤله گنوف تۆرکیه دن ۵۰۰ قازاق اۇقووچا بورس بریلیأندیگینی ده سؤزلرینه قۇشدی.
دِگیشلی حابارلار
تۆرکمنیستان، قازاغیستان و اوُوغانیستان ترانزیت بیلن باغلانشیقلی ماصلاحات گچیردی
قازاغیستان و تۆرکمنیستان ینگ اۆستی بیلن حیتای- اوُوغانیستان آراسینداقی یوُل 10-13 گۆنه چنلی آزالیار
