آذربایجان ینگ تأزه باش وزیری علی اسدوف

آذربایجان ینگ باش وزیری نوروز ممدوف ایشینی تاشلادی.

اۇنونگ یرینه علی اسدوف گلدی.

آذربایجان ینگ میللی مجلیسی یوردونگ تأزه باش وزیرینی سایلاماق اۆچین ییغنالدی.

مجلیسینگ باشلیغی اوکتای اسدوف، باش وزیر نوروز ممدووینگ اؤز استعفاسینی الهام علی یووا برندیگینی آیتدی.

اسدوف، ممدووینگ استعفاسینی قابول ادندیگینی و جمهورباشلیق علی یووینگ باش وزیرلیگه ایقدیصادی مسئله لردن جۇغاپکأر کؤمِکچیسی علی اسدووی تکلیپ ادندیگینی بیلدیردی.

علی اسدوف سس بریلشیکده باش وزیر حؤکمۆنده سایلاندی.

۱۹۵۶-نجی ییلدا نخجوان دا دۇغلان اسدوف، ۱۹۷۸-نجی ییلدا مسکوداقی حالق ایقدیصادیه تی انستیتوسیندا اۇقووینی قوتاردی و شوروی دؤورۆنده آذربایجان ینگ میللی عیلیملار آکادمیسینده ایشه باشلادی.

قاراشسیزلیقدان سۇنگرا ۱۹۹۵-نجی ییلدا مجلیس وکیلی بۇلان اسدوف ۱۹۹۸-نجی ییلدا ایقدیصادیه ت اوغروندا جمهورباشلیغینگ کؤمِکچیسی حؤکمۆنده اؤز ایشینه باشلادی.