بندر تۆرکمن ینگ جومغا امامی الحاج عابدی کر جایلاندی

ایران ینگ تۆرکمن أهل سنت عالیملاریندان الحاج محمد آخوند عابدی کر ۹۰ یاشیندا آرادان چیقدی.

الحاج عابدی کرینگ جینازاسینا بندر تۆرکمن ینگ بایرام نامازی مصلی سینده ناماز اۇقالدی.

حالقینگ اولی یاغدایدا قۇشولماغی بیلن اۇقالان جینازا نامازیندان سۇنگ مرحومینگ جینازاسی چپاقلی اۇباسینداقی قۇنامچیلیقدا جایلاندی.

گۆرگِن ینگ تۆرکمن رادیوسیندا تفسیر پروگراممالاری بۇلان مرحوم عابدی کر قرآن کریم تفسیری بیلن باغلانشیقلی اولی بیر کیتاپ دا چاپ ادیپدی.

بتۆرکمن دیلینده یازیلان بو کیتاپ شو واغتا چنلی ۷ گِزِک چاپ ادیلیپدی.