الهام علی‌یف تۆرکیه‌ده
آذربایجان‌ینگ جمهورباشلیغی آنکارادا
آذربایجان‌ینگ جمهورباشلیغی الهام علی‌یف تۆرکیه- آذربایجان یۇقاری درجه‌لی استراتژیک حیذماتداشلیق گنگه‌شی‌نینگ دؤردۆنجی ماصلاحاتینا قاتناشماق اۆچین تۆرکیأ گلدی.
علی‌یووی آنکارانینگ اسن‌بۇغا قۇنالغاسیندا تۆرکیأنینگ ایمیت و اکرانچیلیق وزیری مهدی اکر قارشیلادی.
الهام علی‌یف تۆرکیأنینگ باش‌وزیری داووداۇغلی بیلن دوشوشاندان سۇنگ، ارتیر تۆرکیأنینگ جمهورباشلیغی رجب طیب أردۇغان بیلن دوشوشار.
آذربایجان‌ینگ جمهورباشلیغی تۆرکیأنینگ جمهورباشلیق کؤشگۆنده رسمی دابارا بیلن قارشیلانار.
علی‌یووینگ ساپاری‌نینگ چأگینده أردۇغان- علی‌یووینگ یۇلباشچیلیغیندا تۆرکیه- آذربایجان یۇقاری درجه‌لی استراتژیک حیذماتداشلیق گنگه‌شی‌نینگ دؤردۆنجی ماصلاحاتی گچیرلر.
تۆرکیأنینگ جمهورباشلیقلیغیندان بریلن ماغلوماتا گؤرأ بو ماصلاحاتدا ایکی یوردونگ آراقاتناشیغی و حیذماتداشلیغی دۇلی یاغدایدا سلجریلر و ایکی‌چأک قاتناشیقلاری‌نینگ یۇقارلادیلماغی اۆچین تأزه یۇللار بارلانار.
آذربایجان بیلن تۆرکیأنینگ یۇلباشچیلاری‌نینگ دوشوشیقلاریندا ایکی یوردی قیزیقلاندیریان بؤلگه‌آرا (منطقه‌ای) و حالقارا اۆیتگِشمه‌لر باراسیندا دا پیکیر آلیشیلار.
دِگیشلی حابارلار
آذربایجان قازاغیستان و اؤزبگیستان بیلن انرژی اولغامینی بیرلِشدیرمه‌کچی
اؤزبگیستان، آذربایجان و قازاغیستان الکتریک اولغاملارینی بیرله‌شدیریأر
جودت ییلماز اؤزبگیستانا ساپار قوریار
ییلماز ایکی گۆنلۆک رسمی ساپاردا اؤزبگیستان ینگ جمهورباشلیغی شوکت میرضیایف بیلن دوشوشیق گچیرر
