"سلطان آلپ آرسلان وِ مرو:تاریحی چشمه‌لر وِ گؤزلِگلر" ماصلاحاتی

"سلطان آلپ آرسلان وِ مرو:تاریحی چشمه‌لر وِ گؤزلگلر" آتلی ۱-نجی حالقارا ایشجنگ ماصلاحاتی تۆرکیأ‌نینگ پایتاغتی آنکارادا اؤز ایشینه باشلادی.
حۇرمات نیظامی‌نینگ دوروشیندان وِ تۆرکیه و تۆرکمنیستان‌ینگ میللی مارشی‌نینگ یرینه یتیریلمه‌گیندن سونگ ایشجنگ ماصلاحاتی دکتر کنعان بیلیجی‌نینگ آچیلیش چیقیشی بیلن اؤز ایشینه باشلادی.
ماصلاحاتینگ بیرینجی بؤلۆمینده تۆرکمنیستان‌ینگ عیلیم توپاری‌نینگ آدیندان تۆرکمنیستا‌نینگ تاریحی وِ مدنی یادیگأرلیکلری قۇراماق، اؤوره‌نمه‌ک وِ آباتلاماق باراداقی میللی مۆدیرلیگی‌نینگ باشلیغی دکتر محمد مأمِدوف بیلن تیکا قوراماسی‌نینگ باشلیغی دکتر سردار چام چیقیش اتدی.
۲ گۆن دۇوام اتجک ایشجنگ ماصلاحاتیندا تاریحی مرو شأهری وِ حأضیرکی گۆنلریمیزه چنلی گلن بینا‌لار، مرو-سلطان آلپ آرسلان تاسلاماسی، تاریحی چشمه‌لر وِ آرکئولوژیک (باستانی) آنیقلاما‌لار، بیک سلجوقلیلار دؤورۆنده مروده قورلان یادیگأرلیکلر، عاراپچا چشمه‌لرده سلطان آلپ آرسلان‌ینگ اؤلۆمی وِ جایلانان یری حاقیندا، ارمنی چشمه‌لرینده بیک سلجوقلیلار، مروده سکه‌له‌نِن سلجوقلی تنگه‌لر وِ مروینگ مِتجیتلری حاقیندا ماغلوماتلار بریلر.