ایستامبولا ایکی آی‌دا 2.5 میلیون توریست گلدی

تۆرکیأنینگ سیاحاتچیلیق شهرلریندن ایستامبول 2024-نجی ییلینگ ایکی آییندا 2 میلیون 457 مۆنگ 518 سیاحاتچا یر ایه چیلیگینی اتدی.

مدنیت و سیاحاتچیلیق وزیرلیگی یانوار- فورال آیلاریندا ایستامبولا گلن سیاحاتچیلارینگ سانی بیلن باغلانشیقلی ماغلومات بردی.

شوُل ماغلوماتا گؤرأ ایستامبولا یانوار- فورال آیلاریندا گلن سیاحاتچیلارینگ سانی اؤتن ییلینگ شوُل آیلارینا گؤرأ 8.08 گؤتریم یوُقارلادی.

تۆرکیأ ایکی آی‌دا 4 میلیون 341 مۆنگ 606 توریست گلدی.

شوِلارینگ یاریسیندان کؤپی ایستامبولا گلدی.

فورال دا ایستامبولا گلنلرینگ آراسیندا روسیادان گلنلر بیرینجی یر ایه له دی.

فورال آییندا 138 مۆنگ 957 توریست روسیادان گلدی.

فورال آییندا آلمانیادان 95 مۆنگ 465 توریست، ایران دان 75 مۆنگ 312 توریست، انگلستان دان 56 مۆنگ 430 توریست، فرانسیادان 48 مۆنگ 902 توریست، سعودی عربیستان دان 43 مۆنگ 415 توریست و آمریکادان 41 مۆنگ 472 توریست گلدی.