گۆرگنده حالقارا مدنیت و قۇوملار فستیوالی باشلادی
فستیوال گۆرگِن دن سۇنگرا ۴ گۆن بۇیونچا کۆممِت قاووزدا دۇوام ادر
ایران ینگ گۆلیستان ولایاتی نینگ مرکزی گۆرگِن ده ۱۳-نجی حالقارا مدنیت و قۇوملار فستیوالی باشلادی.
فستیوالینگ آچیلیش داباراسینا کؤپ سانلی ایلچی و داشاری یورتلی میهمانلار بیلن بیله لیکده گۆلیستان ولایاتی نینگ دا رسمی ماقاملاری قاتناشدی.
ایران ینگ ۲۹ ولایاتیندان قاتناشیلان بو فستیوال ۴ گۆن دۇوام ادر.
گۆلیستان ینگ ولایات حأکیمی هادی حق شیناس فستیوالینگ آچیلیش داباراسیندا بو فستیوالینگ ایران ینگ دۆرلی قۇوملاری نینگ کؤکلِری نینگ اۇرتاقدیغینی گؤرکِزیأندیگینی و اتنیکلرینگ آراسیندا دۇستلوق و دۇغانلیق قاتناشیقلارینی اؤسدۆریأندیگینی بیلدیردی.
حیتای، قازاغیستان و تۆرکمنیستان ینگ ایلچیلری بیلن دوشوشاندیغینی آیدان حق شناس بو یورتلارینگ مدنی، سوسیال، ایقدیصادی و سیاسی قاتناشیقلاری یۇقارلاتماق اۆچین اؤرأن ایسلهکلی بۇلاندیقلارینی نیغتادی.
گۆلیستان ینگ مدنیت، سیاحاتچیلیق و ال هۆنأرلری اداراسی نینگ باشلیغی ابراهیم کریمی ده بو فستیوالدا ۲۰۰ چادیردا دۆرلی چأرهلرینگ گچیریلجکدیگینی آیتدی.
گۆرگن ده گچیریلیأن فستیوالدا ۲۰ موزیک تۇپاری دا اؤز هۆنأرینی گؤرکِزِر.
قازاغیستان بیلن عیراق دان دا موزیک تۇپارلاری شو ییل بو فستیوالا قاتناشیار.
فستیوال گۆرگِن دن سۇنگرا ۴ گۆن بۇیونچا کۆممِت قاووزدا دۇوام ادر.
دِگیشلی حابارلار
تۆرکیه بامیان بیلیم یوردوندا کیتاپحانا سالیار
تۆرکیه کیتاپحانانینگ اوُتورغاچلارینی و بیله کی انجاملارینی دا اۆپجۆن ادر
ایستامبول دؤرت آیدا توریسم پوداغیندا رکورد قوُیدی
ایستامبولا دؤرت آیدا 5 میلیون 244 مۆنگ 936 داشاری یورتلی توریست گلدی