تۆرکیه ده ۹۰۰ ییللیق درمان کۆیزه سی تاپیلدی

دۆنیأنینگ اینگ قادیمی یاشاییش یرلریندن بیری بۇلان شانلی اورفانینگ حران دییلن تاریحی یریندأکی قازوو آغتاریشلاردا اۇرتا عاصیردان قالان ۹۰۰ ییللیق کۆیزه تاپیلدی.

حران بیلیم یوردونینگ آرکئولوژی بؤلۆمی و حران قازوو آغتاریش تۇپاری نینگ باشلیغی پروفسور دکتر محمت اؤنال حران ینگ اولی أهمیتلی درمان مرکزی بۇلاندیغینی آیتدی.

"بو کۆیزأنینگ تاپیلان یری میلاددان سۇنگرا ۱۲-نجی عاصرا دگیشلی یر. یاغنی بو درمان زنگیلر دؤورۆنه دگیشلی" دییپ پروفسور اؤنال آیتدی.

بو اثر گؤبِکلی دپه دن تاپیلان تاریحی اثرلر بیلن بیله لیکده تۆرکیأنینگ اینگ اولی موزه سی بۇلان شانلی اورفا موزه سینده سرگیله‌نمأگه طایارلانیار.

۲۰ هکتارلیق بو موزه ۲۰۱۵-نجی ییلدا تۆرکیأنینگ جمهورباشلیغی رجب طیب أردۇغان تاراپیندان بالیقلی گؤل ینگ قۇلاییندا آچیلیپدی.

موزه ده ۷۰ مۆنگ تاریحی اثر سِرگیلِه‌نیأر.