روسیا: اوچاریمیزی اوکراینا اوردی

روسیا شو گۆن یره قاچان ایلیوشین اوچاری نینگ اوکراینا تاراپیندان راکت بیلن اورلاندیغینی اؤنگه سۆردی.

موندان اوُزال، بو اوچاردا 65 اوکراینالی اسیرینگ باردیغی حابار بریلیپدی.

اوکراینالی اسیرلر بیلن بیله لیکده اوچاردا اۆچ روس عسگر و 6 اوچوش اکیبی نینگ آغضاسی نینگ باردیغی بیلدیریلیپدی.

روسیانینگ قوُرانماق وزیرلیگی، مسکونینگ واغتی بیلن ساغات 11.15-ده چکالووسک قوُنالغاسی- بولوگرا آراسیندا اوچیان بو اوچارینگ "کیف رژیمی تاراپیندان راکت بیلن" اورلاندیغینی بیلدیردی بو واقانینگ "ترورچیلیق واقاسی" بوُلاندیغینی اؤنگه سۆردی.

روسیانینگ وزیرلیگی اوچارداقی عسگرلرینگ، اسیر بوُلان روس عسگرلری بیلن چالشیلماق اۆچین آلینیپ باریلیاندیغینی حابار بردی.

روسیانینگ قوُرانماق وزیرلیگی نینگ یازماچا بیاناتیندا شیله بیلدیریلدی:

"ینه ده نازی کیف رژیمی، اوکراینانینگ عسگرلری نینگ یوُق ادیلمه گی نینگ جوُغاپکأری نینگ روسیا بوُلاندیغینی گؤرکِزمه ک اۆچین بو ایشی اتدی. اوکراینانینگ دوُلانشیغی بو ترورچیلیق هۆجۆمینی ادیپ چئن یۆزۆنی گؤرکِزدی و اؤز یورتداشلاری نینگ جانینا أهمیت برمه‌دی"