اوکراینا: روسیانینگ غاللا ایلالاشیغینی دوروزماغی اینگ کؤپ آسیا و آفریقا ضِلِل برر

اوکراینانینگ داشاری ایشلر وزیری دیمیترو کوله با، روسیانینگ قارادنگیز غاللا کریدوری ایلالاشیغینی دوروزماغی نینگ ایلایتا دا آسیا و آفریقاداقی اۆلکه لره ضلل برجکدیگینی آیتدی.

کوله با بیرلشن میللتلر قوراماسی نینگ حوُوپسوزلیق گنگه شینده گچیریلن اوکراینا بیلن باغلی ماصلاحاتدان اوُزال مطبوغات کنفرانسینی گچیردی.

اوکراینانینگ غاللاسی نینگ گلوبال بازارلارا یتیریلمه گی نینگ أهمیتینه اۆنس چکن کوله با، چؤزگۆت تاپماق اۆچین "سیاسی ایغتیارینگ گره‌کلیدیگینی" بیلدیردی و گپله‌شیکلرینگ دوُوام اتجکدیگینی سؤزلرینه قوُشدی.

اوکراینالی وزیر غاللا ایلالاشیغی نینگ روسیا تاراپیندان دوروزیلماغی نینگ "آفریقا و آسیاداقی یورتلاردا ایمیتینگ قیممات باهاسی نینگ یوُقارلاماغینا سبأپ بوُلاندیغینی" آیتدی.