آنگلا مرکل یوُقاری حیذمات مدالینی آلدی

آلمانیانینگ اوُزالقی باش وزیری آنگلا مرکل یوردونینگ اینگ یوُقاری حیذمات مدالی بوُلان "اولی صلیب/ هاچ" مدالینا ایه بوُلدی.

آلمانیانینگ جمهورباشلیغی فرانک والتر اشتاین مایر مرکله فدرال آلمانیا جمهوریتی نینگ لیاقت مدالینی هؤدۆرله دی.

اشتاین مایر "اینگ سوُنگی مدال 25 ییل موندان اوزال هلموت کهل ینگ یوردومیزی بیرلشدیرمه گینه حیذمات ادنی اۆچین اوُنگا بریلیپدی. شو گۆن ده بو مدالا آنگلا مرکل ایه بوُلدی" دیدی.

آلمانیانینگ جمهورباشلیغی، مرکله بریلن مدالینگ یؤریته و آیراتین بیر حیلی بولاندیغینی دا سؤزلرینه قوُشدی.

اشتاین مایر آنگلا مرکل مدالی آلان واغتی ادن چیقیشیندا "برلین دیواری ییقیلاندا 35 یاشیندادینگیز. دیوارینگ ییقیلماغیندان 16 ییل سوُنگرا باش وزیر بوُلان گۆن دوُغار آلمانیانینگ بیرینجی یورتداشی و شوُل بیر واغتدا بیرینجی زنانا بوُلدونگیز" دیدی.

آلمانینگ بو مدالی موندان اوُزال دینگه کنراد آدنائر و هلموت کهل-آ بریلیپدی.