ایسرائیل‌ینگ جنین شهریندأکی هۆجۆمینده 3 فلسطینلی آرادان چیقدی

ایسرائیل، فلسطین ینگ اشغال آستینداقی گۆن باتار باند بؤلگه سینده جنین شهرینده اۆچ فلسطینلی‌نی اؤلدۆردی.

فلسطین ینگ ساغلیغی قوُراییش وزیرلیگی ایسرائیل ینگ ایر ارتیر بیلن ادن هۆجۆمینده اۆچ فلسطین رایاتی نینگ اؤلدۆریلندیگینی حابار بردی.

واقا شایاتلیق ادنلر جنین شهرینه باسیش ادن ایسرائیل قشونی بیلن اوُنلارچا فلسطینلی نینگ آراسیندا چاقنیشیق بوُلدی.

ایسرائیل ینگ عسگرلری نینگ فلسطینلیلره دگیشلی اولاغلارا اوُد آچماغی نتیجه سینده کؤپ سانلی آدام دا یارالاندی.

اسلامی جهاد حرکتی نینگ قدس سریه لری ده جنین ینگ بوُسغون دۆشِلگه‌سینده اشغالچی عسگرلره یاراغلی دیره‌نِندیکلرینی بیلدیردی.

ایسرائیل ینگ قشونی دا ایسرائیللی گۆیچلرینگ جنین، رام الله، نابلس و الخلیل شهرلرینه باسیش قوراندیقلارینی بیلدیردی.

ایسرائیل "ترورچیلیق و حوُوپسوزلیق بیلن باغلانشیقلی" 15 آدامینگ توسساغ ادیلندیگینی اؤنگه سۆردی.