اف بی آی پلیسی ترامپ‌ینگ اؤیۆنه گیردی
اف بی آی یینگ پلیسلاری نینگ بیر صاندیغینی دؤوه‌ندیگینی آیدان ترامپ، شیله بیر واقانینگ بوُلماغینا گره‌ک بوُلماندیغینی آیتدی
1865495
آمریکانینگ اوُزالقی یوُلباشچیسی دونالد ترامپ آمریکانینگ فدرال بارلاغ اداراسی نینگ (اف بی آی یینگ) فلوریداداقی اؤیۆنه گیرندیگینی آیتدی.
ترامپ "مالم بیچ دأکی اوُوادان اؤیۆم قاباو آستیندا، اولی بیر اف بی آی توُپاری تاراپیندان باسیلیپ گیریلدی. بو میللتیمیز اۆچین قارانگقیلیق واغتیدیر. موندان اوُزال آمریکانینگ هیچ بیر باش‌توتانی نینگ باشینا شیله زات گِلمه‌دی" دییپ یازدی.
اف بی آی یینگ پلیسلاری نینگ بیر صاندیغینی دؤوه‌ندیگینی آیدان ترامپ، شیله بیر واقانینگ بوُلماغینا گره‌ک بوُلماندیغینی آیتدی.
نیویورک تایمز اف بی آی یینگ دونالد ترامپ ینگ آق تام دان فلوریداداقی اؤیۆنه أکیدن گیزلی حاطلاری تاپماق اۆچین ترامپ ینگ اؤیۆنه گیرندیگینی اؤنگه سۆردی.
عادالات وزیرلیگی و اف بی آی هنیز مسئله باراسیندا ماغلومات برمه دی.
