پوتین باشغالارینگ روسیا- اوکراینا آراسینداقی ساواشا قاریشماغی باراسیندا دویدوریش بردی
پوتین اوکراینانینگ روسیا بیلن گؤنی چاقنیشغا گؤنۆکدیریلندیگینی اؤنگه سۆردی
روسیانینگ دؤولت یوُلباشچیسی ولادیمیر پوتین اوکرایناداقی ساواشا داشاردان قاریشماق ایسله‌یأنلرینگ روسیا اۆچین تهدیت بوُلان حالاتیندا، روسیانینگ ییلدیریم چالتلیغیندا قارشیلیق گؤرکِزجکدیگینی آیتدی.
پوتین سن پترزبورگ شهرینده روسیانینگ قانون گنگه شی نینگ ماصلاحاتیندا چیقیش اتدی.
روسیانینگ جمهورباشلیغی گۆن باتارلی یورتلارینگ اوکراینانی روسیا قارشی بوُلان بیر یورت یاغدایینا گتیرندیکلرینی آیتدی.
پوتین اوکراینانینگ روسیا بیلن گؤنی چاقنیشغا گؤنۆکدیریلندیگینی اؤنگه سۆردی.
ولادیمیر پوتین "هیچ کیم تاریحی روس توُپراقلاریندا روسیا قارشی بیر دوُلانشیغینگ یارادیلماغینا قاراشمایاردی و شیله بیر دوُلانشیغینگ دؤره‌دیلمه‌گینه روغصات دا برمه‌ریس" دیدی.
بیله کی تاراپدان آمریکا روسیا فدراسیونینی "ترورچیلیغا قوُلداو برن یورتلار" ساناوینا آلماق اۆچین طایارلانیار.
آمریکانینگ داشاری ایشلر وزیری آنتونی بلینکن بو مسئله بارادا ایشجنگ توُپارینگ ایش آلیپ باریاندیغینی آیتدی.
"مانگا گؤرأ روسلارینگ اوکراینادا ترورچیلیق ادیأندیگینه شک شبهه یوُقدیر" دیه ن آمریکانینگ داشاری ایشلر وزیری، حقوقچیلارینگ مسئله باراسیندا بارلاغ گچیریأندیگینی آیتدی.
آمریکانینگ قوُرانماق وزیرلیگی پنتاگون ینگ مطبوغات گنگه شچیسی جان کربی ده اوکراینا 90 سانی هویتزر توُپ سیستمی نینگ بریلجکدیگینی بیلدیردی.
کربی بو سیستملرینگ یاریسی نینگ اوکراینا یتندیگینی نیغتادی.
