پوتین: اوکراینا بیلن ایلالاشماغی اومیت ادیأریس

روسیانینگ دؤولت یوُلباشچیسی ولادیمیر پوتین اوکراینا بیلن دیپلماتیک یاغدایدا ایلالاشماغی آرزوو ادیأندیکلرینی آیتدی و ایستامبول دا گچیریلن مذاکره لرده اولی اؤنگه گیدیشلیک ادیلندیگینی آیتدی.

روس یوُلباشچی "قینانساغام ایلالاشیلاندان سوُنگرا مذاکره لرینگ دوُوام اتمه گی اۆچین ایسله‌نِن شرطلری یرینه یتیرمه ک اۆچین نیتیمیزی بیلدیرسک ده، بوچادا روس قشونینا قارشی حرکت ادیلدی. بو حرکتی کیمین طایارلاندیغینی و کیمینگ ادندیگینی بیلیأریس" دیدی.

بوچا شهریندأکی واقالاردان سوُنگرا اوکراینالی مذاکره‌چیلرینگ چؤزگۆت بیلن باغلانشیقلی توتوملاری نینگ اولی مؤچبِرده اۆیتگأندیگینی نیغتان پوتین، مونگا قارامازدان مذاکره لره آنلاین گؤرنۆشده دوُوام ادیلدیگینی آیتدی.

بیرلشن میللتلر قوراماسی نینگ باشلیغی آنتونیو گوترش ده اوکراینانینگ توُپراقلاری نینگ اشغال ادیلندیگینه اینانیاندیقلارینی آیتدی.

اوکرایناداقی یاغدایا آلادا بیلدیرن گوترش بیرلشن میللتلر قوراماسی سیاسی مذاکره لرینگ بیر پارچاسی دألدیر دیدی و بو قورامانینگ هیچ هاچان مذاکره لره چاغیریلماندیغینی نیغتادی.

اوکراینانینگ جمهورباشلیغی ولودیمیر زلنسکی روسینانیگ اتمی حوُوپسوزلیق اۆچین حوُوپ آباندیریاندیغینی آیتدی.

حالقارا اتم انرژیسی قوراماسی نینگ باشلیغی رافائل گروسی بیلن دوشوشان زلنسکی "هیچ کیمینگ اتمی یاراغلار بیلن دۆنیأنی قوُرقوزماغا حاقی یوُقدیر" دیدی.

آمریکانینگ قشون باشلیغی مارک میلی روسیانینگ اوکراینا هۆجۆم قوراماغی بیلن ایکینجی جاهان اورشیندان سوُنگرا ایلکینجی گِزک اوروپانینگ و حالقارا سیستمینگ حوُوپسوزلیغینا حوُوپ آباندیراندیلادندیغینی آیتدی.

آمریکالی ژنرال روسیانینگ هۆجۆملرینه جوغاپ بریلمه‌سه مسکونینگ "حالقارا دۆزگۆنینگ ده ایزینا دۆشجکدیگینی و بو دۆزگۆنی گۆیچسیزلشدیرجکدیگینی" آیتدی.

میلی آمریکانینگ اوکراینا قوُلداو برمأگه دوُوام اتجکدیگینی سؤزلرینه قوُشدی.