روس قشونی اوکراینانینگ گۆن دوُغارینی کنترل آستینا آلماق اۆچین تاغاللا ادیأر

اوکراینانینگ قشون باشلیقلیغی، روس قشونی نینگ اوکراینانینگ گۆن دوُغارینداقی دونتسک و لوهانسک بؤلگه لرینی دوُلی کنترل آستینا آلماق اۆچین حرکتی نینگ دپگینینی یوُقارلاندیرماغا سینانشیاندیغینی حابار بریأر.

اوکراینا، روس قشونی بیلن چاقنیشیقلارینگ دونتسک و خرسون بؤلگه لرینده آغیر گچیأندیگینی بیلدیردی.

روسیانینگ سورودونتسک شهرینه هۆجۆم قورماق اۆچین ده طایارلیق گؤریأندیگی حابار بریلیأر.

خارکف شهری ده بؤله‌کلِه‌یین قاباو آستیندا.

اوکراینانینگ یوُلباشچیسی ولودیمیر زلنسکی ده "اشغال آستینداقی بؤلگه لرده توُسلاما رفراندوم گچیریلن حالاتیندا اوکراینا مذاکره لردن چکیلجکدیر" دیدی.

زلنسکی ماریوپول شهری نینگ اؤزلری اۆچین اؤرأن أهمیتلی بیر یر بوُلاندیغینی یاتلاتدی و "الیمیزده یترلیک یاغدایدا یاراغ بوُلاندا، واغتلایین یاغدایدا اشغال ادیلن هممه یرلری قایتاراریس" دیدی.

زلنسکی اوکراینانینگ ناتو قوراماسینا آلینماغی نینگ ناتونی گۆیچلندیجکدیگینی بیلدیردی.

زلنسکی کیف شهرینده آمریکانینگ داشاری ایشلر وزیری آنتونی بلینکن و آمریکانینگ قوُرانماق وزیری لوید آستین بیلن دوشوشجاقدیغینی آیتدی.

روسیا بوُلسا اوکراینانینگ 23 مۆنگ 367 عسگری نینگ اؤلِندیگینی اؤنگه سۆردی.