اوکراینانینگ بوچا شهرینده کؤپ سانلی آدامینگ جسدی چیقاریلدی

اوکراینانینگ بوچا شهرینده اؤلدۆریلیپ بیر یرده گؤمۆلن 46 آدامینگ جسدی چیقاریلدی.

یؤنه‌کی یاشاییجیلار بوُلاندیغی حابار بریلن بو آداملارینگ جستلری بارلاغ اۆچین ایبریلدی.

روس قشونی تاراپیندان اؤلدۆریلندیگینی اؤنگه سۆرۆلن بو آداملارینگ جستلرینی چیقارماق اۆچین عزیز آندریا کلیساسی نینگ باغچاسیندا 3 گۆن قازوو ایشی آلیپ باریلدی.

تاپیلان جستلرینگ یاش و اوُرتایاشلی آداملارا دگیشلی بوُلاندیغی حابار بریلیأر.

کلیسادا بارلاغلارینگ دوُوام اتجکدیگی بیلدیریلدی.

بوچا کؤچه لریندأکی جستلر دۆنیأنینگ گۆن ترتیبینه گلیپدی و جستلرینگ تاپیلماغیندان سوُنگرا دۆنیأده روسیا برک یازغاریلیپدی.

روس قشونی 24-نجی فورال دا (فوریه ده) اوکراینا هۆجۆم باشلادیپدی.

یونیسف قوراماسی دا هر اۆچ اوکراینالی چاغادان ایکیسی نینگ اؤیلریندن گؤچِندیگینی بیلدیردی.

یونیسف روسیانینگ باشلادان ساواشیندا 142 چاغانینگ اؤلِندیگینی، 229 چاغانینگ یارالاناندیغینی حابار بردی.

اوکراینانینگ بیرلشن میللتلر قوراماسینداقی وکیلی سرگی کیلیتسا دا روسیانینگ اوکراینالی چاغالاری روسیا قاچیریاندیغینی اؤنگه سۆردی.

کیلیتسا روسیانینگ ماریوپول و دونتسک یالی یرلردن 121 مۆنگ چاغانینگ قاچیریپ روسیاداقی ماشغالالارا بریلندیگینی اؤنگه سۆردی.

ساواش سبأپلی روسیادان 2022-نجی ییلینگ ایلکینجی اۆچ آییندا داشاری یورتلارا ایبریلن سرمایا موقداری دا 266 گؤتریم یوُقارلادی و 54 میلیارد 200 میلیون دلارا یتدی.

اؤتن ییلینگ اۆچ آییندا روسیادان 17.5 میلیارد دلار چیقیپدی.

روسیانینگ اوکراینا ساواش باشلاتماغیندان سوُنگرا شوُل یورتداقی کؤپ سانلی شرکت و مایاقوُیومچی ایشلرینی دوروزیپدی.