بایدن: پوتین بوچا شهرینده بوُلان یاغدای سبأپلی قاضیه‌ته چیقاریلمالی
اوکراینانینگ پایتاغتی کیف ینگ قوُلایینداقی آزات ادیلن یرلرده 410 یؤنه‌کی یاشاییجی نینگ جسدی تاپیلیپدی
آمریکانینگ جمهورباشلیغی جو بایدن، روسیانینگ یوُلباشچیسی پوتین ینگ "ساواش جنایاتلاری" سبأپلی قاضیه‌ته چیقاریلماغینی ایسله‌دی و اوکراینانینگ بوچا شهرینه ادیلن هۆجۆم سبأپلی روسیا قارشی تأزه چأکلندیرمه‌لر قوُیولجاقدیغینی آیتدی.
بایدن "اوکراینانینگ ساواشیپ بیلمه‌گی اۆچین أتیأجی بوُلان یاراغلاری اوُلارا برمه‌لیدیرس. شوُل بیر واغتدا (پوتین ینگ) ساواش جنایاتلاری سبأپلی سود ادیلمه‌گی (قاضیه ته چیقاریلماغی) اۆچین بۆتین گره‌کلی زاتلار ادیلمه‌لی و دلیللر ییغنالمالیدیر. بو آدام رحیمسیز. بوچا شهرینده بوُلانلار قوُرقونچ" دیدی.
بوچا شهری 1-نجی آپریل دا اوکراینانینگ قشونی تاراپیندان روسلاردان آلینیپدی.
شوُل شهرینگ کؤچه‌لرینده کؤپ سانلی جسدینگ تاپیلاندیغی بیلدیریلیپدی.
اوکراینانینگ پایتاغتی کیف ینگ قوُلایینداقی آزات ادیلن یرلرده 410 یؤنه‌کی یاشاییجی نینگ جسدی تاپیلیپدی.
