اوکراینا: روس قشونی هۆجۆم گۆیجۆنی ییتیردی

اوکراینا، روسیا فدراسیونی نینگ یاراغلی گۆیچلری نینگ لجستیک مسئله سی باراسیندا اولی قینچیلیق یاشایاندیغینی بیلدیردی.

اوکراینانینگ قشون باشلیقلیغی روس قشونی نینگ هۆجۆم مۆمکینچیلیکلری نینگ اولی درجه ده یوُق ادیلندیگینی بیلدیریپ، "اشغالچی گۆیچلر هر تاراپدا دوروزیلدی. دوشمان لجستیک تایدان اولی قینچیلیق چکیأر و ییتگی برمأگه دوُوام ادیأر" دیدی.

اوکراینا حؤکۆمتی بوُلسا روسیادان ادن هۆجۆمی اۆچین تؤله‌گ آلیپ یوردی تأزه دن دیکه‌تمه‌ک ایسله یأندیگینی بیلدیردی.

اوکراینا حؤکۆمتی روس قشونی نینگ اوکراینانینگ شهرلرینی بمبالایاندیغینی، یؤنه‌کی یاشاییجیلار و چاغالاری اؤلدۆرمأگه دوُوام ادیأندیگینی نیغتاپ "اوکراینا هیچ ایزا أدیم أتمه‌ز و قاراشسیزلیغیندان آصلا ال چکمه‌ز" دیدی.

اوکراینانینگ جمهورباشلیغی ولودیمیر زلنسکی ده کیف ده روسیانینگ هۆجۆملرینده یارالانان یاشاییجیلاری باریپ گؤردی.

یارالیلار بیلن گۆررۆنگ ادن زلنسکی، اوُلارا سوُوغات قوُوشوردی و جان ساغلیغینی آرزوو اتدی.

روسیانینگ هۆجۆملری دوُوام ادیأر.

روس گۆیچلری پایتاغت کیف شهرینی ینه بمبالادی.

روس قشونی سویاتوشینسکی ده آمبارلاری بمبالادی.

واقادا ایکی آدام آرادان چیقدی.