کانادادا اسلاما دوشمان بوُلان بیر آدام 4 مسلمان آدامی اؤلدۆردی

کانادانینگ لندن شهرینده، مسلمانلارا و اسلاما دوشمانچیلیق ادن بیر آدام ماشینی بیلن بیر ماشغالادان 4 آدامی اؤلدۆردی.

واقادا بیر مسلمان چاغا دا آغیر یاغدایدا یارالاندی.

لندن شهری نینگ پلیس مۆدیری استیو ویلیامز "آرادان چیقانلارینگ اسلام دینینه دِگیشلی بوُلانی اۆچین هۆجۆمه سِزِه وِر بوُلاندیغینا اینانیاریس" دیدی.

ویلیامیز بیر ماشغالادان 4 آدامینگ اؤلمه گینه اولی قینانچ بیلدیریأندیکلرینی آیتدی.

کانادا مسلمانلاری نینگ میللی مجلیسی نینگ باشلیغی مصطفی فاروق واقا بیلن باغلانشیقلی "آیدیلانلارا گؤرأ بیر آدام ماشینینا مۆندی، یوُلدان یؤره‌یأن مسلمان بیر ماشغالانی گؤردی و اوُلار اؤلمه‌لی دیدی. اوُلاری تانامایاردی. بو کانادا توُپراغینا قارشی بیر ترورچیلیقدیر" دییپ بیلدیردی.

فاروق 2017-نجی ییلدا کبک شهرینده بیر متجیتده ده 6 آدامینگ اؤلدۆریلندیگینی، 5 آدامینگ یارالاناندیغینی یاتلاتدی و اسلاموفوبی سبأپلی ادیلن ترورچیلیقلارا اۆنس چکدی.

دۆین گیجه کانادانینگ اونتاریو ایالتیندأکی لندن شهرینده مسلمانلارا دوشمان بوُلان بیر آدام ماشینی بیلن 4 مسلمانی اؤلدۆردی.

اؤلِنلرینگ بیری 15 یاشینداقی قیز، 74 یاشینداقی بیر عایال و 46 یاشینداقی بیر آدام.

هۆجۆمده 9 یاشینداقی بیر ارکِک چاغا دا آغیر یاغدایدا یارالاندی.