اسپانیا بیلن ایتالیا تۆرکیأ مینّتدارلیق بیلدیردی
تۆرکیه کؤپ سانلی یوردا کروناویروس بیلن گؤره‌شمه‌گی اۆچین کؤمِک اوغرادیار
تۆرکیه کروناویروس بیلن گؤره‌شیأن واغتیندا داشاری یورتلارا دا کؤمِک اِتمه‌گی اونوتمایار.
آذربایجان، ایران، حیتای و 30 سانی یوردا کؤمِک بریأن تۆرکیه ایتالیا بیلن اسپانیا دا کؤپ سانلی لوقمانچیلیق اِنجامینی ایبردی.
کؤمِکلری آلان اسپانیا بیلن ایتالیادان کؤپ سانلی مینّتدارلیق حاطی گلدی.
اسپانیانینگ داشاری ایشلر وزیری آرانچا گونزالس لایا توییتردان تۆرکیأنینگ میللی قورانماق وزیرلیگی نینگ حاطینی پایلاشدی و تۆرک ایشدشینی ده یازان مینتدارلی حاطینا قوشوپ تۆرکیأ ساغ بولسون آیتدی.
چاووش اوغلی دا ایشدشینه "دوستلار شیله گۆنلر اۆچین بار. حیذماتداشیمیز بولان اسپانیا سلام ایبریأرین" دییپ یازدی.
اسپانیانینگ قُشون باشلیغی میگوئل آنخل ویلارویا دا تۆرکیأ و کؤمِک ایبرن ناتوداقی بیله کی حیذماتداشلارینا مینتدارلیق بیلدیردی.
اسپانیانینگ ناتوداقی همیشه لیک وکیلی ده توییتردان "کووید- 19 بیلن گؤره شده هممِأمیز باردیرس" دییپ یازدی و مولانانینگ قوشغیسی یازیلان صوراتینی پایلاشدی.
اسپانیانینگ قورانماق وزیرلیگیندن ژنرال فیگوئرو دا "تۆرک حالقی اسپانیول حالقینا کؤمِگینی گؤرکِزدی. ساغ بولینگ" دییپ یازدی.
ایتالیادان دا تۆرکیأ کؤپ سانلی مینتدارلیق متنی اوغرادیلدی.
ایتالیانینگ داشاری ایشلر وزیری لوئیجی دی ماریو تۆرکیه دن گلن کؤمِک اوچاری نینگ صوراتینی پایلاشدی و "شو گۆن تۆرکیه دن ایتالیا اولی بیر کؤمِک گؤرکِزیلدی" دییپ یازدی.
تۆرکیأنینگ ایتالیا ایبرن کؤمِگینی قونالغادا گؤره ن دی ماریو،
"شو گۆنکی کؤمِکلر بیزینگ اۆچین اؤرأن أهمیتلیدیر. تۆرکیأنینگ جمهورباشلیغی أردوُغانا، داشاری ایشلر وزیری چاوشو اوغلینا و بۆتین تۆرک حالقینا بو جبیسلیک اۆچین ساغ بولسون آیدیاریس" دیدی.
چاووش اوغلی دا ایشدشینه "دوستلار قین گۆنلر اۆچیندیر" دییپ یازدی.
ایتالیانینگ ناتوداقی همیشه لیک وکیلی ده "تۆرک دوستلاریمیزا کؤمِکلری اۆچین مینتدارلیق بیلدیریأریس" دییپ یازدی و "بیله لیکده گۆیچلیدیرس" و "بیز ناتودیرس" هشتگینی اولاندی.
اوروپا پارلمانی نینگ تۆرکیه باراسینداقی وکیلی ناچو سانچز آمور دا تۆرکیأ اسپانیا برن کؤمِکلری اۆچین مینتدارلیق بیلدیردی و،
"برن کؤمِگینگیزی هیچ اونوتماریس" دیدی.
دِگیشلی حابارلار
هیندیستان دا بیر اوچار فلامینگولار بیلن چاقیشدی
اوچارا ینگیل یاغدایدا ضلل گلندیگی و 36 فلامینگونینگ اؤلِندیگی حابار بریلدی
