عهد تمیمی اۆچین ۸ آی توسساغ

انسان حاقلاری قۇراییجیسی آقلاوچی گۆلدن سؤنمِز، "عهد بیر چاغا، اۇنونگ یرینه منی توسساغ ادینگ" دییپ بیر یازغی یازدی.

سؤنمز یازان حاطیندا فلسطینلی قیزینگ قاضیه ته، الی باغلی گتیریلمه‌گینی یازغاردی.

"بۆتین دینلرده و ایدئولوژیلاردا ساواشینگ بیر حقوغی و آحلاغی باردیر" دییپ یازان سؤنمِز،

"ساواش واغتیندا بۇلسا دا چاغالارا ال اوزادیلماز و اۇلار قۇرالار. چاغالاری توسساغ ادیپ آدامزادا قارشی گۆنأ ادیأرسینگیز" سؤزلری بیلن دۇوام ادیأر و ایسرائیلا

"فلسطینلی چاغالاری و بار بۇلسا توتانینگیز بۆتین یهودی چاغالاری آزات ادینگ. عهد تمیمی نی آزات ادیپ ینه توسساغ اتمه‌جکدیگینگیزه اینام برینگ، من شونونگ یرینه توسساغ ادیلمأگه طایار" دییپ یازدی.

گۆلدن سؤنمزینگ قۇیبرن حاطی شیله:

اسرائیل ینگ باش ایلچیلیگینه آچ آچان یازغی

عهد تمیمی بیر چاغا، اۇنی آزات ادینگ منی آلینگ

فلسطینلی قیزجاغاز عهد تمیمی ۱۸.۱۲.۲۰۱۷-ده گیجه اؤیۆنده انه سی بیلن بیله لیکده توسساغ ادیلدی. عهد تمیمی بیر چاغا و یؤنه‌کی رایاتدیر. دۆنیأده گؤرۆلمه‌دیک یاغدایدا عسگری قاضیه ته چیقاریلدی. دۆنیأنینگ دؤرت بیر یانیندا عهد تمیمی نینگ و بیله کی فلسطینلی چاغالارینگ توسساغ ادیلمه گینه قارشی بۆتین انسان حاقلاری قۇراییجی قورامالار و قورلوشیقلار بۇلوپ نأچه گِزِک چأره لر گچیریلدی و حاط یازیلدی. اِمما اۇل آزات ادیلمه دی و شو گۆن ۸ آی توسساغ ادیلمه‌گینه قارار بریلدی. عهد تمیمی نینگ چاغا بۇلماغینا قارامازدان قاضیه ته الی و آیاغی زینجیرا باغلانیپ گتیریلدی. قاضیه‌ته گتیریلنده آچ آچان گؤرۆلن بو یاغدای، تۆرمه ده بۇلان واغتی باشینا گلنلرینگ گؤرکِزیجیسیدیر.

چاغالاری آزات ادینگ و اینجیتمانگ. ساواشینگیزا چاغالاری قاتمانگ. بۆتین دینلرده و ایدئولوژیلاردا ساواشینگ بیر حقوغی و آحلاغی باردیر. بۆتین دینلره گؤرأ ساواش واغتیندا بۇلونسا دا چاغالارا ال دگمه‌ز و اۇلار قۇرالار. کیچی چاغالاری توسساغ ادیپ بۆتین آدامزادا قارشی گۆنأ ادیأرسینگیز.

سیزه آچ آچان بیر زات تکلیپ ادیأرین، عهدی آزات ادینگ منی توسساغ ادینگ.

من ایسرائیل ینگ باسیپ آلیجی بۇلانینا اینانان، فلسطین ینگ آزات ادیلمه گینی ایسله یأن، ماوی مارمارا گأمیسینده بۇلان، ایسرائیل ینگ حقوق داشی ادن ایشلرینه قارشی ادیلن بۆتین پروتستلره قاتناشان و شیغار برن، ایسرائیل تاراپیندان "تروریست" ایغلان ادیلن بیر آدام حقوقلاری نینگ قۇراییجیسی. سیزینگ انسان حاقلارینی قۇرایانلاری حالامایاندیغینگیزی و اۇلارا تروریست دییأنینگیزی بیلیأرین. من ترور سؤزی نینگ آدیمینگ یانیندا بۇلماغینی آصلا گلیشدیرمه یأرین. یاشاییشیمی آدامزات حقوغی اۆچین آدادیم. اِمما سیزینگ تۇسلاما، حقوغینگیز مانگا "تروریست" دییأر. شیل لیک بیلن سیزینگ اۆچین عهدینگ یرینه منی توسساغ اتمه‌گینگیز قۇویراق بۇلوپ بیلر.

سیزه آچ آچان چاقیلیق بریأرین، اینگ قیسغا واغتدا بۆتین فلسطینلی چاغالاری و بار بۇلسا سیاسی سبأپلر بیلن توسساغ ادنینگیز یهودی چاغالاری آزات ادینگ. اگر شیله اتمه‌جِک بۇلسانگیز عهد تمیمی نی آزات ادیپ یانگاداندان توسساغ اتمه‌جِکدیگینگیز باراسیندا سؤز برینگ، من تسلیم بۇلماغا طایار. اۇل بیر  چاغا. کیچی چاغالارینگ قۇراغسیزلیغیندان پیدالانیپ چاغالار اۆستی بیلن ساواش اتمأنگ. دۆنیأنینگ دؤرت بیر یانیندا گؤرمه‌ک ایسله مأنینگیز هر یردن بۆتین آدامزات سیزینگ ادنینگیزدن اوتانیار و سیزی یازغاریار. شونونگ سیزه بینجالیق برجکدیگینه اینانیارین.

منینگ تکلیپیمی قابول ادنگیزده منینگ بیلن حابارلاشیپ بیلرسینگیز.

۲۱.۰۳.۲۰۱۸

آقلاوچی گۆلدن سؤنمِز

انسان حاقلاری قۇراییجیسی