اوکراینادا ۲ آیدا ۴۲۳ آدام اؤلدی
بیرلِشِن میللتلر قوراماسی اوکراینانینگ گۆندۇغاریندا ۲۰۱۴-نجی ییلینگ ۱۵-نجی آپرلی بیلن ۲۰-نجی ایونی آرالیغینداقی واقالارینگ دۇوامیندا آسودا ایلات بیلن بیرلیکده ۴۲۳ آدامینگ اؤلدۆریلِندیگینی حابار بردی.
بیرلِشِن میللتلر قوراماسینینگ حۇوپسوزلیق گنگِهشی اوکراینانینگ ایسلِهگینه لاییقلیقدا یوردونگ گۆندۇغارینداقی واقالار باراسیندا پیکیر آلیشماق اۆچین جملِهنشدی.
ماصلاحاتا ویدئوکنفرانس آرقالی قاتناشان بیرلِشِن میللتلر قوراماسینینگ باش یازمانینینگ آدام حقوقلاریندان جۇغاپکأر اورونباساری ایوان سیمونوویچ اوکراینا تاراپیندان ایغلان ادیلن ایلالاشیغینگ وِ یاراشیق مِیلناماسینینگ اونگین باشلانغیچدیغینی آیتدی.
سیمونوویچ "قانونسیزلیق یایبانگلاشماغا دوُوام ادیأر. یاراغلی توپارلار آدام حقوقلارینی باسغیلاماغا وِ جنایات ایشلِمأگه دوُوام ادیأر" دیدی.
سیمونوویچ قۇرقی یا-دا سوسیال ایقدیصادی سبأپلردن یوردونگ ایچینده باشغا یرلره گؤچـِنلرینگ سانینینگ ۴۶ مۆنگدن گچندیگینی مألیم اتدی.
بیرلِشِن میللتلر قوراماسینینگ سیاسی ایشلر بویونچا جۇغاپکأر ایشگأری تای-برووک زریهون بولسا روسیانینگ جمهورباشلیغی پوتینینگ مجلیسدن اوکراینا قُشون اوغراتماق ایغتیارینینگ ایزینا آلینماغینی ایسلِمهگینینگ اونگین باشلانغیچ حؤکمۆنده بـِللیک ادندیکلرینی نیغتادی.
دِگیشلی حابارلار
روسیانینگ قوُرانماق وزیری اۆیتگِهدی
پوتین قوُرانماق وزیرلیگینه باش وزیرینگ اوُزالقی اوُرونباساری آندری بلوسووی گتیریأر