تورکیه، آوروپا شامپیوناسیندا
آورو ۲۰۲۴ الهمهلری د قروپو ۷.جی اویونوندا لتونینی ۴-۰ مغلوب ائدن تورک میللی تیمی، ۶.جی دفعه تورنمنتده یاریشمی حاقی قازاندی
تورک میللی فوتبال تیمی، ۶.جی دفعه آوروپا شامپیوناسیندا.
یورو ۲۰۲۴ الهمهلری د قروپو ۷.جی اویونوندا لتونینی ۴-۰ مغلوب ائدن تورک میللی تیمی، ۶.جی دفعه تورنمنتده یاریشمی حاقی قازاندی.
کروواسینی رقیب ائوینده مغلوب ائدرک قروپدا لیدئرلیگه یوکسهلهن تورک میللی فوتبال تیمیمیز، ۷.جی هفته اویونوندا لتونینی آغیرلادی.
قونیا بؤیوک شهر بلدیه استادیوموندا اوینانان قارشیلاشمانین ایلک یاریسی گولسوز سونا چاتدی.
تورک اویونچولاردان ایکینجی یاریدا گول یاغیشی باشلادی.
آی-اولدوزلولار، آختاردیغی گولو ۵۸.جی دقیقهده تاپدی.
بو دقیقهده یونوس آکگون، چوخ گوزل بیر ووروشلا لتونی قاپیسینی آچدی: ۱-۰
۸۳.جی دقیقهده جنک توسونون باش گولویلا حسابی ۲-۰ ائدن تورکلر، ۸۷ده کرم آکتورکاوغلو ایله فرقی ۳ه چیخاردی: ۳-۰
۹۰+۲. دقیقهده بیر دفعه داها صحنهیه چیخان جنک توسون، یاریشمانین سون حسابینی اعلان ائتدی: ۴-۰
لتونینی ایلک دفعه اؤز ائوینده مغلوب ائدن تورک میللی فوتبال تیمی، پوئنینی ۱۶یا چیخاراراق هم لیدئرلیگینی داوام ائتدیردی هم ده قروپو ایلک ایکی ایچینده تاماملاماغی باجاردی.
جمهورباشقانی رجب طیب اردوغان، آلمانیادا تشکیل ائدیلهجک ۲۰۲۴ آوروپا فوتبال شامپیوناسینا قاتیلماغا حاق قازانان تورک میللی فوتبال تیمینی تبریک ائتدی.