آوروپا لیگی: "ترابزونسپور" اودوزدو، "فنرباغچا" سون دقیقه‌ده سئویندی

یوفا آوروپا لیگی‌نین قروپ مرحله‌سینده داها 8 اویون کئچیریلیب. بونونلا دا 1-جی تورا یئکون وورولوب.

G قروپوندا یئر آلان آذربایجان تمثیلچی‌سی "قاراباغ" آلمانیادا "فرایبورگ"ا 1:2 حسابی ایله اودوزوب. قروپ‌داکی دیگر تیم لرین - "نانت"لا "المپیاکوس"ون فرانسادا باش توتان گؤروشون‌دن ده میدان صاحیب‌لری 2:1 حسابی ایله غالیب آیریلیب‌لار.

تورکیه کلوبلاریندان‌ "فنرباغچا" "دینامو کیئو"ی اساس واختا علاوه اولونموش دقیقه‌لرده وورولان گل ایله اوسته‌له‌ییب. بو تیم لر آراسیندا شامپیونلار لیگی‌نین 2-جی مقدماتی مرحله‌سینده باش توتان گؤروشده ایستانبول کلوبو ایکی اویونون (0:0، 1:2) نتیجه‌سینه گؤره اودوزا‌راق قاره نین ان نفوذلو کلوب تورنیری ایله وداع لاشمیشدی.

تورکیه‌نین دیگر تمثیلچی‌سی "ترابزونسپور" "قاراباغ"ین شامپیونلار لیگیی‌نین 3-جو مقدماتی مرحله‌سینده موباریزه‌دن کنارلاشدیردیغی ماجاریستان "فرنس واروش"ونون قوناغی اولوب. گؤروش میدان صاحیب‌لری‌نین 3:2 حساب‌لی غلبه‌سی ایله باشا چاتیب.

بوداپشت تمثیلچی‌سیندن گل لاری 5-جی و 44-جو دقیقه‌ده توکماک نکوئن، 29-جو دقیقه‌ده آداما ترائوره ​​ووروب‌لار. 16-جی دقیقه‌ده ماجاریستان شامپیونوندان الدار چیویچ بیرباشا قیرمیزی ورقه ایله میدان‌دان قووولوب. قوناق‌لاردان ایسه 39-جو دقیقه‌ده ماکسی گومز و 71-جی دقیقه‌ده اوموت بوزوک فرقلنیب‌لر.

"قاراباغ"لا عینی قروپدا یئر آلان فرانسانین "نانت" و یونانیستانین "المپیاکوس" تیم لرینین دولینده ایسه میدان صاحیب‌لری غلبه قازانیب‌لار - 2:1.

یوفا آوروپا لیگی

قروپ مرحله‌سی، 1-جی تور

8  سپتامبر

A قروپو

19:45 "زوریخ" (سوئیس) - "آرسنال" (اینگیلتره) 2:1

19:45 "آیندهوون (هولاندیا) - "بودؤ گلیمت" (نروژ) 1:1

B قروپو

19:45  "لارناکا (قیبریس ایجماسی) - "رن" (فرانسا) 2:1

19:45 "فنرباغچا" (تورکیه) - "دینامو" (کیئو، اوکراینا) 1:2

C قروپو

19:45 "لودوگورتس" (بولقاریستان) - "روما" (ایتالیا) 2:1

19:45 "هلسینکی (فینلاندیا) - "رئال بتیس" (ایسپانیا) 2:0

D قروپو

19:45 "مالمؤ" (سوئد) - "براگا" (پورتوقالیا) 0:2

19:45 "یونیون" (برلین، آلمانیا) - "یونیون سن ژیل" (بلژیک) 1:0

E قروپو

22:00 "منچستر یونایتد" (اینگیلتره) - "رئال سوسیداد" (ایسپانیا) 1:0

22:00 "اومونیا" (قیبریس ایجماسی) - "شریف تیرا سپول" (مولدووا) 3:0

F قروپو

22:00 "لاتزیو" (ایتالیا) - "فاینورد" (هولاندیا) 2:4

22:00 "اشتورم گراتس" (اتریش) - "میدیولن" (دانیمارکا) 0:1

G قروپو

22:00 "فرایبورگ" (آلمانیا) - "قاراباغ" (آذربایجان) 1:2

22:00 "نانت" (فرانسا) - "الیمپیاکوس" (یونانیستان) 1:2

H قروپو

22:00 "قیزیل یلدیز" (صربیستان) - "موناکو" (فرانسا) 1:0

22:00 "فرنس واروش" (ماجاریستان) - "ترابزونسپور" (تورکیه) 2:3