سنگال تاریخینده ایلک دفعه افریقا شامپیونو اولدو
کامرونون "احمدو آهیدجو" ایستادیوموندا باش توتان گؤروشده سنگال میللیسی میصر سئچمهسی ایله اوز-اوزه گلیب.
کامرونون "احمدو آهیدجو" ایستادیوموندا باش توتان گؤروشده سنگال میللیسی میصر سئچمهسی ایله اوز-اوزه گلیب.
گؤروشون اساس واختیندا حساب آچیلمادیغی اوچون غالیبی معینلشدیرمک اوچون علاوه واخت اوینانیلیب. گونئی افریقا جمهویتیندن اولان داور ویکتور گومز 5-جی دقیقهده میصرلیلرین قاپیسینا پنالتی تعیین ائدیب. پنالتی ضربهسینی سادیو مانه دقیق یئرینه یئتیره بیلمهییب.
علاوه اولونموش دقیقهلرده یئنه ده حساب دییشمهییب. غالیب پنالتی سری سینده معینلشیب. رقیبی 4:2 حسابی ایله مغلوب ائدن سنگال میللیسی افریقا میللتلر کاپینین غالیبی اولوب. سنگال-لیلار تاریخینده ایلک دفعه بو کاپی قازانیبلار.
سنگال میللیسی قروپ مرحلهسینده گینه، مالاوی و زیمبابوه ایله قارشیلاشیب و قروپ لیدئری کیمی سککیزدبیر فینالا وثیقه قازانیب.
پلی-اوفدا سنگال-لیلار استوایی گینه و بورکینافاسو میللیلری اوزرینده 3:1، کیپ ورد ییغماسینا ایسه 2:0 حسابی ایله قالیب گلهرک فینالا یوکسلیبلر.
میصر میللیسی اؤز نؤوبهسینده قروپ مرحلهسینده نیجریه، سودان و گینه بیسائو ییغمالاری ایله قارشیلاشیب. محمد صلاحین تیمی پلی-اوفا قروپ ایکینجیسی کیمی آدلاییب. پلی-اوف مرحلهسینده ساحل عاج، مراکش و میدان صاحیبی کامرون ییغماسینی موباریزهدن کنارلاشدیران میصر فینال گؤروشه وثیقه قازانیب.
اینگیلترهنین "لیورپول" کلوبونون فوتبولچولاری سادیو مانه ایله محمد صلاح قارشیدورماسی فینال اویونونا علاوه رنگ قاتیب.
بوندان باشقا، بو تیم لر "دونیا شامپیوناتی-2022"نین سئچمه مرحلهسینده اوز-اوزه گلهجکلر. اونا گؤره ده بو رقیبلر آراسیندا موسابیقه سون درجه گرگین موباریزه وعد ائدیر.
تورنیرین برنز مداللار اوغروندا موباریزهده بورکینافاسو و کامرون ییغمالاری اوز-اوزه گلیب. ایلک یاریدا ایکی گل ووران بورکینا-فاسو میللیسی 49-جو دقیقهده حسابی داها دا آرتیریب. لاکین میدان صاحیبلری روحدان دوشمهییبلر. موسابیقهنین سونلاریندا آردیجیل اوچ گل ووران کامرون فوتبولچولاری مغلوبیتدن خلاص اولوبلار. موسابیقهنین تالعینی ایسه پنالتیلر سریسی حل ائدیب. اون بیر مترلیک ضربهلرده داها دقیق اولان (5:3) "رام ائدیلمز شیرلر" تورنیرین برنز مداللارینی قازانیبلار.
ایلگیلیلی خبرلر
تۆرک قیزلاری یئنه قازاندی
تۆرک میللی قادین والیبال تیمی، میللتلر لیگیندهکی ۶.جی اویونوندا صربیستان ایله قارشیلاشدی
کنفرانس لیگینین غالیبی معینلشدی
فینال ماتچیندا یونانیستان "المپیاکوس"و ایتالیا "فیورنتینا"سی ایله قارشیلاشیب.