ایکی تورک قیزی فینالدا
۲۰۲۰ توکیو المپیک اویونلاریندا بوسه ناز چاخیراوغلو و بوسه‌ناز سورمه‌نه‌لی قیزیل مدال اوچون دؤیوشه‌جک
1685551
۲۰۲۰ توکیو المپیک اویونلارینین ۱۲.جی گونونده بوکس‌دا قادینلار ۵۱ کیلودا بوسه ناز چاخیراوغلو، فینالا چیخدی.
بوسه ناز، چین تایپه‌سین‌دن هاسیائو ون هوانگلا قارشیلاشدی و رقیبی اوزرینده اوستونلوک قوراراق آدینی فینالا یازدیردی.
چاخیراوغلو، فینالدا بولقار ایدمان‌چی کراستوا ایله قارشیلاشاجاق.
بوسه نازین قیزیل مدال مبارزه‌سی وئره‌جگی فینال یاریشی ۷ آگوست جمعه ارته‌سی گونو تورکیه ساعاتییلا ۰۸.۱۵ده ائدیله‌جک.
اؤته یاندان، ۲۰۲۰ توکیو المپیک اویونلاریندا بوکس قادینلار ۶۹ کیلودا فینالا چیخان بوسه‌ناز سورمه‌نه‌لی‌نین قیزیل مدال مبارزه‌سین‌ده‌کی رقیبی چین‌لی هونگ گو اولدو.
هونگ گونون ایکی آسیا شامپیونلوغو، ایکی ده دونیا ایکینجی‌لیگی وار.
بوسه‌نازین هونگ گو ایله فینال مسابقه‌سی ۷ آگوست جمعه ارته‌سی گونو تورکیه ساعاتییلا ۰۹.۱۵ده ائدیله‌جک.
