تورک اوخچو المپیک شامپیونو اولدو
دونیا و آوروپا شامپیونو رقیبی قارشیسین‌دا مته، توپلامدا ۶-۴ اوستونلوک قوراراق قیزیل مدال قازاندی
۲۰۲۰ توکیو المپیک اویونلارینین ۸.جی گونون‌ده کلاسیک یای فردی فینالین‌دا ایتالیالی مائورو نسپولینی ۶-۴ مغلوب ائد‌ن ملی اوخچو مته گازوز، قیزیل مدال قازا‌دی.
۲۹ جولای جمعه آخشامی گونو ائدیله‌ن ایلک تور اویونوندا لوکزامبورگ‌لو جف هنکلسی، ایکینجی تور مسابقه‌سین‌ده ایسه استرالیالی ریان تیاکی مغلوب ائتد‌ن مته گازوز، سون ۱۶ تورونا یوکسلمیشدی.
ملی اوخچو، سحر سئانسین‌دا سون ۱۶ توروندا استرالیالی تایلور وورتو گئچه‌رک دؤردده‌بیر فینالا قالدی. ۲۲ یاشین‌داکی مته گازوز، بو توردا دا دونیا سیرالاماسین‌دا ۱ نؤمره اولان آمریکا‌لی برادی ائلیسونو اله‌دی و یاری فینالا آدینی یازدیردی.
یاری فینال‌دا دا ژاپنلو تاکاهارو فروکاوانی مغلوب ائد‌رک فینالیست اولان مته گازوز، ایتالیالی مائورو نسپولی ایله قیزیل مدال اویونونا چیخدی.
دونیا و آوروپا شامپیونو رقیبی قارشیسین‌دا مته، توپلامدا ۶-۴ اوستونلوک قوراراق اویونو ۶-۴ آلدی و قیزیل مدال قازاندی.
