یورو-2020: ایتالیا ایسپانیانی مغلوب ائده‌رک 4-جو دفعه فینالا یوکسلیب
ایلک فینالچی ایتالیا و ایسپانیا میللی‌لری‌نین گؤروشونده بللی اولوب.
یورو-2020-ده یاریم فینال مرحله‌سینه ایستارت وئریلیب.
راوندون بیرینجی گونونده بیر اویون کئچیریلیب.
ایلک فینالچی ایتالیا و ایسپانیا میللی‌لری‌نین گؤروشونده بللی اولوب. یورو-2012-نین فینالچی‌لاری آراسیندا قارشیلاشما اینگیلتره-نین پایتاختی لوندون-داکی "ومبلی" ایستادیوموندا باش توتوب.
قارشی‌لیق‌لی هوجوم‌لارلا کئچن بیرینجی حیسه‌ده قاپی‌لارا گل وورولماییب. ایلک یاریدا عمومی‌لیکده ایسپان‌لار داها فعال نظره چارپیب‌لار. بونا باخمایا‌راق، قارشیلاشمادا حسابی آچان طرف ایتالیا اولوب. بیر ساعتین تامامیندا آنی عکس-هوجوم زامانی فدریکو کیزا علینه دوشن فورصتی قاچیرماییب. آنجاق سونا 10 دقیقه قالمیش قاپیچی ایله تکبتک دول‌دن قالیب آیریلان آلوارو موراتا ایستاتوس-کوونو برپا ائدیب. قالان دقیقه‌لرده برابرلیک دییشمدیگیندن، علاوه یاریم ساعات‌لیق موباریزه‌یه احتیاج دویولوب.
ماراق‌لی‌دیر کی، بو، ایسپان‌لارین تورنیرده 120 دقیقه چیخیش ائتدیک‌لری آردیجیل 3-جو اویون اولوب. علاوه یاریم ساعاتدا ایسه تیملر داها چوخ احتیاط‌لی اویونا اوستونلوک وئردیک‌لریندن، غلبه توپونو وورماق مومکون اولماییب. نتیجه‌ده فینالچینی معینلشدیرمک اوچون پنالتی‌لر سری سینه احتیاج دویولوب. 1/4 فینالدا محض پنالتی‌لر سریسی ایله سوئیسی اوسته‌له‌ین لویس انریکه‌نین تیمی بو دفعه مغلوبیته اوزولوب.
بونونلا ایتالیا 9 ایلدن سونرا ایلک، عمومی‌لیکده ایسه 4-جو دفعه آوروپا شامپیوناتی‌نین فینالیندا ایشتیراک حقوقونا ییلنیب.
یورو-2020
یاریم فینال
6 جولای
ایتالیا – ایسپانیا - 1:1، پنالتی 2:4
دوار: فلیکس بریش (آلمانیا)
لوندون. "ومبلی" ایستادیوم
